قورعانىس ءمينيسترى ريو وليمپياداسىنىڭ قولا جۇلدەگەرى ولگا رىپاكوۆانى جەڭىسىمەن قۇتتىقتادى

استانا. قازاقپارات - ەلىمىزدىڭ قورعانىس ءمينيسترى يمانعالي تاسماعامبەتوۆ اسكەري قىزمەتكەر، ق ر قورعانىس مينيسترلىگىنىڭ ورتالىق ارميا سپورت كلۋبىنىڭ كاپيتانى، وليمپيادا چەمپيونى ولگا رىپاكوۆانى ريو- دە- جانەيرودا وتكەن وليمپيادا ويىندارىندا قولا جۇلدەگەر اتانۋىمەن قۇتتىقتادى،
None
None

  دەپ حابارلايدى قورعانىس مينيسترلىگىنىڭ باسپا ءسوز قىزمەتى.

 «قۇرمەتتى ولگا سەرگەيەۆنا! ءسىزدى ريو-2016 وليمپياداسىندا جەڭىل اتلەتيكادان قولا مەدال الۋىڭىزبەن قۇتتىقتايمىن! بۇل - لايىقتى جەڭىس جانە جوعارى شەبەرلىك پەن جەڭىسكە دەگەن ەرەكشە ەرىك- جىگەردىڭ كورىنىسى. الەمنىڭ ەڭ ۇزدىك سپورت شارالارىنىڭ بىرىندە ءسىز قازاقستاننىڭ قارۋلى كۇشتەرىنىڭ اتىنان لايىقتى ونەر كورسەتىپ، قازاقستاننىڭ كوك تۋىن جەلبىرەتتىڭىز. ءسىزدىڭ جوعارى دارەجەدەگى كورسەتكىشتەرىڭىز وسكەلەڭ ۇرپاققا ۇلگەن ونەگە»، - دەلىنگەن قورعانىس ءمينيسترىنىڭ قۇتتىقتاۋ جەدەلحاتىندا.

 ەڭ ۇزدىك كورسەتكىشىندە رىپاكوۆا 14,74 مەتردى كورسەتتى. بۇل ونىڭ وسى ماۋسىمداعى ەڭ ۇزدىك كورسەتكىشى. ايتا كەتەيىك، ريو- دە- جانەيروداعى قولا - ولگا ءۇشىن ەكىنشى وليمپيادا مەدال بولىپ وتىر. لوندون وليمپياداسىندا ول التىن مەدالدى جەڭىپ الىپ، چەمپيون اتانعان.

سوڭعى جاڭالىقتار