ورالدا وڭتۇستىك كورەيالىق حيرۋرگتەر وتا جاساپ، شەبەرلىك ساعاتىن وتكىزدى - فوتو

 ورال. قازاقپارات - مين كلينيكاسىنىڭ باس ديرەكتورى، سەۋل ۋنيۆەرسيتەتىنىڭ پروفەسسورى كيم دجون مين باستاعان وڭتۇستىك كورەيالىق حيرۋرگتەر قالقانشا بەز ەندوحيرۋرگياسى سالاسىندا الەمدىك تاجىريبەنى ەنگىزۋ ماقساتىندا باتىس قازاقستان وبلىستىق اۋرۋحاناسىنا كەلىپ، وتا جاساپ، شەبەرلىك ساعاتىن وتكىزدى.
None
None

وبلىستىق اۋرۋحانا ديرەكتورى ەرلان توقسانوۆتىڭ ايتۋىنشا، وڭتۇستىك كورەيالىق ارىپتەستەر بارلىعى ءۇش وتانى تەگىن جاساپ بەردى. باتىس قازاقستاندىق حيرۋرگتەر ءبارىن كوزبەن كورىپ، تاجىريبەلەرىن بايىتا ءتۇستى. مۇنداي بايلانىس الداعى ۋاقىتتا دا جالعاسپاقشى.

ايتا كەتەيىك، وبلىستىق دەنساۋلىق ساقتاۋ باسقارماسىنان تۇسكەن مالىمەتكە قاراعاندا، وبلىستىق اۋرۋحانا بازاسىندا لاپاروسكوپيالىق حولەتسيستەكتوميا 1998 -جىلدان بەرى ەنگىزىلگەن. قازىرگى كەزدە اۋرۋحانادا ءىش جانە كەۋدە قۇرىلىستارىنا، قۇلاق- مۇرىن ورگاندارىنا ەندوسكوپيالىق وتالار جاسالۋدا.

 بۇعان دەيىن تىعىز حالىقارالىق ىنتىماقتاستىق جانە ەندوسكوپيالىق حيرۋرگيانى ودان ءارى دامىتۋ ماقساتىندا كيم دجون ميننىڭ شاقىرۋىمەن وبلىستىق اۋرۋحانا شۇعىل حيرۋرگيا بولىمشەسىنىڭ مەڭگەرۋشىسى، جوعارى ساناتتى حيرۋرگ قۋانىش جايشيەۆ وڭتۇستىك كورەيادا وقىپ، ءبىلىمىن جەتىلدىرىپ كەلگەن بولاتىن.

 جالپى، وڭىردە قالقانشا بەزى اۋرۋىنا شالدىققاندار ازايماي كەلەدى. تەك وبلىستىق اۋرۋحانادا جىل سايىن 60 وتا جاسالادى.

null null null null 

سوڭعى جاڭالىقتار