ۇلكەن جيىرمالىق سامميتىندە الەمدىك ەكونوميكانىڭ ءوسۋىن ىنتالاندىرۋ جونىندەگى ءىس- ارەكەت جوسپارى قابىلدانادى

 بەيجىڭ. قازاقپارات - حاڭجوۋ قالاسىندا G20 سامميتىندە الەمدىك ەكونوميكانىڭ ورنىقتى جانە تەڭگەرىمدى ءوسىمىن ىنتالاندىرۋ جونىندەگى ءىس- ارەكەت جوسپارىن قابىلداۋ جوسپارلانۋدا.
None
None

 بۇل تۋرالى بۇگىن بريفينگ بارىسىندا قىتاي حالىق بانكى ءتوراعاسىنىڭ ورىنباسارى ي گاڭ (Yi Gang) مالىمدەدى.

 «سامميتتىڭ ءتورت ماڭىزدى تاقىرىبى، بىرىنشىدەن، الەمدىك ەكونوميكانىڭ ورنىقتى جانە تەڭگەرىمدى ءوسىمىن ىنتالاندىرۋ. ەكىنشىدەن، حالىقارالىق قارجى ساۋلەتىن جەتىلدىرۋ، ۇشىنشىدەن، قارجى سەكتورى رەفورمالارىن العا جىلجىتۋ، تورتىنشىدەن، ينكليۋزيۆتى قارجىلاردى دامىتۋ (...) ءبىز حاڭجوۋ ءىس- ارەكەت جوسپارىمەن جۇمىس جۇرگىزۋدەمىز. وندا جوعارىدا كورسەتىلگەن مىندەتتەردى، ءبىرىنشى كەزەكتە، الەمدىك ەكونوميكا ءوسىمىن ورنىقتى جانە تەڭگەرىمدى ىنتالاندىرۋدى شەشۋ بويىنشا ناقتى شارالار جازىلعان. سونداي- اق G20 كوشباسشىلارىنىڭ دەكلاراتسياسىمەن جۇمىس ىستەپ جاتىرمىز»، - دەدى ول.

ي گاڭ 2016 -جىلعى 1- قازاننان باستاپ قىتاي يۋانى ارنايى الىس- بەرىس قۇقىقتارى ەسەبىنە رەسمي ەنگىزىلەتىنىن ەسكە سالدى.

 ەسكە سالساق، 2015 -جىلعى 1 - جەلتوقساننان باستاپ «جيىرمالىققا» ءتوراعالىق تۇركيادان قىتايعا ءوتتى. «يننوۆاتسيالىق، كىناراتسىز، ءوزارا بايلانىستى جانە ينكليۋزيۆتى الەمدىك ەكونوميكا قۇرۋ» تاقىرىبىنداعى سامميت حاڭجوۋ قالاسىندا 4-5 - قىركۇيەكتە وتەدى.

 ق ح ر ءتوراعاسى شي جينپيڭ ق ر پرەزيدەنتى ن. نازاربايەۆتى الدا وتەتىن G20 سامميتىنە قاتىسۋعا شاقىردى. بۇل ق ر وكىلدەرىنە «ۇلكەن جيىرمالىق» اياسىندا شارالاردىڭ جىلدىق كەستەسىنە قاتىسۋعا مۇمكىندىك بەرەدى.

سوڭعى جاڭالىقتار