مەرۋەرت تۇسىپبايەۆا: قايرات نۇرتاس كيىمىن تەگىن بەرسە دە كيمەيمىن
بۇل تۋرالى استانا ارناسىنىڭ «ەل اۋزىندا» باعدارلاماسىندا ايتىلدى.
كوڭىل كوتەرەمىن دەپ مولشەردەن تىس ستاقان كوتەرەتىن جۇلدىزدار ءاردايىم جۇرتتىڭ نازارىندا جۇرەدى. ولاردىڭ قاتارىندا قايرات نۇرتاس تا بار. اناسى بالاسىن قورعاپ، وزىنە پيار جاساعىسى كەلەتىندەردىڭ قايرات نۇرتاسقا تيىسەتىندىگىن مەڭزەدى. دەسە دە، ءانشىنى جامانداعانداردىڭ قاتارىندا ارىپتەستەرى دە بار بولىپ شىقتى. مىسالى، مەرۋەرت تۇسىپبايەۆا قايرات نۇرتاستىڭ كيىمدى قىتايدان الدىراتىنىن مەڭزەپ، كيىمدەرىن تەگىن ۇسىنسا دا كيمەيتىندىگىن جەتكىزدى.
«جۋرنال جاساپ، ونى قىتايدان اكەلىپ. مەن ونى تەگىن بەرسە دە كيمەيمىن»، - دەيدى ول. مۇنىمەن قاتار، بىرنەشە جىل بۇرىن قايرات نۇرتاستىڭ ماس كەزىندەگى ۆيدەوسى ينتەرنەتكە جۇكتەلىپ، جۇرتتى شۋلاتقان بولاتىن. ۆيدەونى كىمنىڭ تۇسىرگەنىن اناسى دا، قايرات تا بىلەتىن بولىپ شىقتى. دەسە دە، سوت كومەگىنە جۇگىنىپ قۋدالاماسا كەرەك.
«كەرەك دەسەڭىز، قايرات ءبىر جەردە وتىرىپ دەمالا المايدى. ويتكەنى ءسال كوڭىل كوتەرىپ، ولەڭ ايتىپ قالسا، ەرتەسىندە ينتەرنەتتى شۋلاتادى. ول جاس. اراسىندا كۇلىپ- ويناۋى ءتيىس. ونسىز دا ۇلكەن ادامنىڭ جۇمىسىن ىستەپ ءجۇر. بىرەۋ وزىنە پيار جاساعىسى كەلسە، قايراتقا تيىسەتىن بولدى عوي»، - دەيدى گۇلزيرا ايداربەكوۆا.
ارىپتەستەرى دە اناسىنىڭ ءسوزىن قوشتاي ءتۇستى. اراسىندا بارىنشا ۇستامدى بولۋعا كەڭەس بەرىپ جاتقاندار دا بولدى. «قايراتتىڭ ۆيدەوسى ارقىلى بىرەۋ ءوز اتىن شىعارعىسى كەلسە كەرەك. بار بولعانى، كوپشىلىكتىڭ الدىندا ءوزىڭدى ۇستاي ءبىل»، - دەيدى رانو وماروۆا.
«حالىقتىڭ الدىندا جۇرگەن سوڭ، اتاعىڭ بولعان سوڭ اباي بولۋىڭ كەرەك. ادەتتە جورا- جولداستارىڭنىڭ ءبىرى ءتۇسىرىپ، ينتەرنەتكە سالىپ جىبەرەدى. وندايلاردى زاڭ بويىنشا قۋدالاۋ كەرەك دەپ ويلايمىن»، - دەيدى بۇركىت.
