جاڭا تولقىن بالالار بايقاۋىندا جانەل ءسادۋاقاس جۇلدەلى بولدى

بۇدان بۇرىن حابارلانعانداي، جاس ءانشى وتكەن جىلى «جاڭا تولقىن» بايقاۋىندا ەكىنشى ورىندى يەلەنگەن قازاقستاندىق ءانشى ادەمىنىڭ شاكىرتى. «جاڭا تولقىن» بالالار بايقاۋىندا ەل اتىنان سۇيكىمدى حانشايىم، مەنىڭ شاكىرتىم ءسادۋاقاس جانەل قاتىسادى! سىزدەر قولدايدى دەپ ۇمىتتەنەمىز»، - دەپ جازعان بولاتىن ادەمى ءوزىنىڭ ينستاگرامداعى پاراقشاسىنا.
فينال رەسەيدىڭ قىرىم وبلىسىندا «ارتەك» حالىقارالىق ورتالىعىندا 11-13 -تامىز ارالىعىندا ءوتتى. بايقاۋعا الەمنىڭ 11 ەلىنەن (رەسەي، ارمەنيا، ابحازيا، لاتۆيا، مالتا، قازاقستان، قىرعىزستان، كورەيا، رۋمىنيا) 8-12 جاس ارالىعىنداعى 15 بالا قاتىستى.
«بالالار جاڭا تولقىنى-2016» بايقاۋىنىڭ ءادىلقازىلارى: ەۆگەني كرىلاتوۆ، لەۆ لەشەنكو، يرينا دۋبتسوۆا، سەرگەي لازاريەۆ، فيليپپ كيركوروۆ. ءادىلقازىلار ءتوراعاسى - رەسەي حالىق ءارتىسى، پروديۋسەر، كومپوزيتور يگور كرۋتوي.
سونىمەن، بالالار بايقاۋىندا ءبىرىنشى ورىندى رەسەيلىك كونكۋرسانتتار، ياعني 12 جاستاعى الەكسەي زابۋگين جانە «ەي'ۆا» تريوسى ءبولىستى. ەكىنشى ورىن مالتادان كەلگەن 10 جاسار ەيلا مانجون مەن ارمەنيانىڭ 8 جاستاعى ورەنى ميحايل گريگوريانعا بۇيىردى. مۇنىمەن قوسا، جۇلدەلى ءۇشىنشى ورىننان قازاقستاننان بارعان جاس ءانشى جانەل سادۋاقاس پەن 10 جاسار رەسەيلىك ماريا ميروۆايا كورىندى.
اۆتور: رۋسلان عابباسوۆ