كۇدىكتى لومباردقا پنەۆماتيكالىق قارۋمەن بارعان

استانا. قازاقپارات - استانادا لومباردتى توناماق بولعان كۇدىكتىنىڭ قولىندا پنەۆماتيكالىق (گازدى قارۋ)قارۋ بولدى.

بۇل تۋرالى بۇگىن وقيعا ورنىندا قازاقپارات تىلشىسىنە استانا ءى ءى د باسپا ءسوز قىزمەتىنىڭ جەتەكشىسى سوفيا قىلىشبەكوۆا ءمالىم ەتتى.

«كۇدىكتىدەن پنەۆماتيكالىق تاپانشا تاركىلەندى. قازىرگى كەزدە ول بالليستيكالىق ساراپتاماعا جىبەرىلدى. تەرگەۋ امالدارى جالعاسۋدا، سونداي-اق قىلمىستىق كودەكستىڭ 192- بابىنىڭ قاراقشىلىق فاكتىسى بويىنشا سوتقا دەيىنگى تەرگەۋ جۇرگىزىلەدى»، - دەدى باسپا ءسوز قىزمەتىنىڭ جەتەكشىسى.

ونىڭ سوزىنە قاراعاندا، اتالعان لومباردتا كۇزەتشى بولماعان، ياعني عيماراتتىڭ دابىل بەلگىسى قاشىقتىقتان كۇزەت فيرماسىنا قوسىلعان ەكەن.

بۇدان بۇرىن كۇدىكتى 1979 -جىلعى ەكەندىگى حابارلانعان ەدى. سوڭعى مالىمەتتەر بويىنشا، ول 1974 -جىلعى ەلوردا تۇرعىنى ەكەنى انىقتالدى. اتالعان لومباردتىڭ ەكى قىزمەتكەرى امان- ەسەن بوساتىلدى. اتاپ ايتقاندا، كەلىسسوزدەر جۇرگىزىلىپ، كۇدىكتى پوليتسياعا قارسىلىق كورسەتكەن جوق. جالپى ەشكىم دە زارداپ شەكپەدى.

ەسكە سالا كەتەيىك، بۇگىن كەنەسارى كوشەسىندە «سپۋتنيك» دۇكەنى اۋدانىندا ورنالاسقان م-لومباردتى توناۋعا ارەكەت جاسالدى. ىشكە باسىپ كىرۋ كەزىندە دابىل تەتىگى ىسكە قوسىلىپ، ەسىك اۆتوماتتى تۇردە قۇلىپتالىپ، ىشتە كۇدىكتى جانە ەكى لومبارد قىزمەتكەرى قامالىپ قالدى.

سونداي-اق باسپا ءسوز قىزمەتى بۇل لاڭكەستىكپەن بايلانىستى ەمەس، قاتارداعى توناۋ وقيعاسى ەكەنىن اتاپ ءوتتى.