لومبارد توناۋشىسى استانالىقتار دەمالىسىنىڭ شىرقىن بۇزدى - كۋاگەر - فوتو

استانا. قازاقپارات - توناۋشى تۇسكەن لومبارد ماڭىندا تۇراتىن استانا تۇرعىندارىنىڭ ءبىرى ونداعى جاعدايدى ايتىپ بەردى.

بۇل تۋرالى قازاقپارات ءتىلشىسى وقيعا ورنىنان حابارلادى.

«اۋداندى قورشاپ تاستادى، ەشكىمدى ەشقايدا جىبەرمەيدى. پوليتسيا جۇمىس ىستەپ جاتىر. بىزگە وتە قيىن بولدى، ەشقايدا شىعا المادىق، قانشا جوسپارىمىز بار ەدى. ويانعاندا بۇكىل اۋداندى قورشاپ تاستاپتى، كورشىلەرىمە حابارلاسقاندا، لومباردتى توناپ جاتىر دەدى. وسىلاي ۇيدە وتىرمىز. جاعدايدى تەرەزدەن باقىلاپ وتىرمىز»، - دەدى ول.

ايتا كەتەيىك، بۇگىن كەنەسارى كوشەسىندە «سپۋتنيك» دۇكەنى اۋدانىندا ورنالاسقان م- لومباردتى توناۋعا ارەكەت جاسالدى. ىشكە باسىپ كىرۋ كەزىندە دابىل تەتىگى ىسكە قوسىلىپ، ەسىك اۆتوماتتى تۇردە قۇلىپتالىپ، ىشتە كۇدىكتى جانە ەكى لومبارد قىزمەتكەرلەرى قامالىپ قالدى.

كەلىسسوزدەردەن كەيىن توناۋشى ءبىر قىزمەتكەردى بوساتتى.

سونداي-اق باسپا ءسوز قىزمەتى بۇل لاڭكەستىكپەن بايلانىستى ەمەس، قاتارداعى توناۋ وقيعاسى ەكەنىن اتاپ ءوتتى.

     

اۆتور: رۋسلان عابباسوۆ