استانادا لومباردتى توناماق بولعان كۇدىكتى ۇستالدى - فوتو
بۇل تۋرالى بۇگىن وقيعا ورنىندا قازاقپارات تىلشىسىنە استانا ءى ءى د باسپا ءسوز قىزمەتىنىڭ جەتەكشىسى سوفيا قىلىشبەكوۆا ءمالىم ەتتى.
«قازىرگى ۋاقىتتا 1979 -جىلى دۇنيەگە كەلگەن كۇدىكتى ۇستالدى. ول ەلوردا تۇرعىنى ەكەنى انىقتالدى. ەندى تەرگەۋ امالدارى جۇرگىزىلەدى. اتالعان لومباردتىڭ ەكى قىزمەتكەرى امان-ەسەن بوساتىلدى. اتاپ ايتقاندا، كەلىسسوزدەردىڭ بارىسىندا كۇدىكتى ءوز ەركىمەن پوليتسياعا قىزمەتكەرلەرىنە شىقتى. جالپى ەشكىم دە زارداپ شەككەن جوق، - دەدى س. قىلىشبەكوۆا.
ونىڭ سوزىنە قاراعاندا، لومباردقا مۇلىكتىك زاقىم كەلگەن جوق. كۇدىكتىمەن اراداعى كەلىسسوزدەر تەلەفون ارقىلى جۇرگىزىلگەن كورىنەدى.
«بارلىق تەرگەۋ امالدارى جۇرگىزىلدى، اتالعان ادامنىڭ قىلمىستىق ارەكەتى بويىنشا ايىپ تاعىلادى»، - دەدى ول.
ەسكە سالا كەتەيىك، بۇگىن كەنەسارى كوشەسىندە «سپۋتنيك» دۇكەنى اۋدانىندا ورنالاسقان م-لومباردتى توناۋعا ارەكەت جاسالدى. ىشكە باسىپ كىرۋ كەزىندە دابىل تەتىگى ىسكە قوسىلىپ، ەسىك اۆتوماتتى تۇردە قۇلىپتالىپ، ىشتە كۇدىكتى جانە ەكى لومبارد قىزمەتكەرلەرى قامالىپ قالدى.
سونداي-اق باسپا ءسوز قىزمەتى بۇل لاڭكەستىكپەن بايلانىستى ەمەس، قاتارداعى توناۋ وقيعاسى ەكەنىن اتاپ ءوتتى.
اۆتور: رۋسلان عابباسوۆ
