توناۋشى ەلوردالىق لومباردتا كەپىلگە الىنعانداردىڭ ءبىرىن بوساتتى - فوتو

استانا. قازاقپارات - استاناداعى م- لومباردعا باسا-كوكتەپ كىرگەن توناۋشى كەپىلگە الىنعانداردىڭ ءبىرىن بوساتتى.

«ءيا، ول لومباردتان قىزمەتكەرلەردىڭ ءبىرىن بوساتتى. وقيعانىڭ باسقا ءمان- جايى كەيىنىرەك حابارلانادى. كەلىسسوزدەر جۇرگىزىلىپ جاتىر»، - دەپ حابارلادى استانا ءى ءى د باسپا ءسوز قىزمەتىنىڭ جەتەكشىسى سوفيا قىلىشبەكوۆا.

قازىرگى كەزدە لومبارد اۋماعى قورشاۋعا الىنعان. كۋاگەرلەردىڭ ايتۋىنشا، كۇدىكتى 3 ساعاتتان استام ۋاقىت لومباردتا قاماۋدا وتىر. قازىرگى كەزدە ونىڭ اينالاسىنداعى ءدامحانا، دۇكەندەر، باسقا دا قىزمەت كورسەتۋ ورىندارى جابىق تۇر. پوليتسيا كەڭسە ورنالاسقان ءۇي تۇرعىندارىنىڭ كوشەگە شىقپاۋلارىن سۇرايدى، دەپ حابارلادى قازاقپارات ءتىلشىسى وقيعا ورنىنان بەرگەن جەدەل اقپاراتىندا.  

ەسكە سالا كەتەيىك، بۇگىن كەنەسارى كوشەسىندە «سپۋتنيك» دۇكەنى اۋدانىندا ورنالاسقان م- لومباردتى توناۋعا ارەكەت جاسالدى. ىشكە باسىپ كىرۋ كەزىندە دابىل تەتىگى ىسكە قوسىلىپ، ەسىك اۆتوماتتى تۇردە قۇلىپتالىپ، ىشتە كۇدىكتى جانە ەكى لومبارد قىزمەتكەرلەرى قامالىپ قالدى.

سونداي-اق باسپا ءسوز قىزمەتى وقيعا لاڭكەستىكپەن بايلانىستى ەمەس، قاتارداعى توناۋ وقيعاسى ەكەنىن اتاپ ءوتتى.

  

اۆتور: رۋسلان عابباسوۆ