موڭعوليادا ەجەلگى تۇركى مۇسىندەرى تابىلدى - فوتو

اتالعان جوبا موڭعوليا عىلىم اكادەمياسى تاريح جانە ارحەولوگيا ينستيتۋتىمەن بىرىگىپ جۇزەگە اسىرىلۋدا، دەپ حابارلادى اكادەميا.
ТWESCO باسشىسى دارحان ءقىدىرالىنىڭ جەتەكشىلىگىندەگى جوبا اياسىندا، ماۋسىم ايىندا باستالعان قازبا جۇمىستارىن تانىمال موڭعول ارحەولوگى د. سەۆەندورج جانە قازاقستاندىق عالىم- تۇركىتانۋشى ن. ءبازىلحانوۆ جۇرگىزۋدە. قازىر كەشەننىڭ باستى الاڭىنداعى «ماڭگى تاس» تاس ەسكەرتكىشىنىڭ ورنى جانە كەشەننىڭ ەكى تابالدىرىعىنا قازبا جۇرگىزىلدى. ارحەولوگتار ەجەلگى تۇركىلەردىڭ تاس مۇسىندەرىن تاپتى. ودان بولەك، كەشەن ىرگەتاسىنىڭ قۇرىلىمى، قالىبى جانە كولەمى انىقتالدى.
وسى جانە باسقا قازبا جاڭالىقتارى جايلى 24 -تامىز كۇنى وتەتىن «ۇلى دالا كوشپەندىلەرى: تاريحي- مادەني ۇندەستىك» Ⅱ تۇركى- موڭعول ارحەولوگيالىق دالا سەمينارىندا تولىق ايتىلادى. بۇل دالا سەمينارى «تيان- شاننان وتىكەنگە دەيىن: ۇلى دالا كوشپەندىلەرىنىڭ تاريحي- مادەني قۇندىلىقتارى» حالىقارالىق ەكسپەديتسياسى اياسىندا ۇيىمداستىرىلادى، وعان ءازىربايجان، قازاقستان، قىرعىزستان، موڭعوليا، رەسەي جانە تۇركيادان عالىمدار، قوعام قايراتكەرلەرى قاتىسادى.