ەلدوس سمەتوۆ پەن وتگونسەسەگ گالبادراح ەرتەڭ ەلگە ورالادى

الماتى قالاسىنىڭ دەنە شىنىقتىرۋ جانە سپورت باسقارماسى باسپا ءسوز قىزمەتىنىڭ حابارلاۋىنشا، 14-15 -تامىز ارالىعىندا چەمپيوندارىمىز، توپ جارعان سپورتشىلارىمىز بەن باسقا دا ريو وليمپياداسىندا ونەر كورسەتكەن سپورت مايتالماندارى ەلگە ورالا باستايدى. وسىعان وراي استانا جانە الماتى قالالارىنىڭ اۋەجايىندا سالتاناتتى كۇتىپ الۋ ءراسىمى وتكىزىلەدى.
2016 -جىلدىڭ تامىز ايىنىڭ 14 ىنەن 15 ىنە قاراعان ءتۇنى استانا ۋاقىتىمەن ساعات 01:30 دا الماتى قالاسىنىڭ حالىقارالىق اۋەجايىنا KL405 اۋەرەيسىمەن ىشىندە وليمپيادا جۇلدەگەرلەرى ەلدوس سمەتوۆ پەن وتگونسەسەگ گالبادراح بار دزيۋدودان ەلىمىزدىڭ وليمپيادا قۇراما كومانداسى جانە 15 -تامىز كۇنى ساعات 08:10 دە ماسكەۋ ارقىلى ىشىندە وليمپيادا چەمپيونى دميتري بالاندين بار جۇزۋدەن قازاقستاننىڭ قۇراما كومانداسى ۇشىپ كەلەدى.
ەسكە سالا كەتسەك، 5 تامىزدان باستاپ ريو- دە- جانەيرو قالاسىندا XXXI جازعى وليمپيادا ويىندارى ءوتىپ جاتىر. قازاقستان رەسپۋبليكاسىنان جارىسقا 104 سپورتشى 26 سپورت تۇرىنەن باعىن سىناۋدا.
بۇل قازاقستان تاريحىندا التىنشى وليمپيادا ويىندارى. بۇگىنگى تاڭدا وليمپياداداعى قازاقستان قۇراماسىنىڭ قورجىنىندا سپورتتىڭ 3 تۇرىنەن 7 مەدال بار: 2 التىن، 2 كۇمىس جانە 3 قولا. جالپىكوماندالىق ەسەپتە 14-ورىندا. 1996 -جىلدان بۇگىنگى كۇنگە دەيىن ەلىمىزدەن 18 وليمپيادا چەمپيونى شىققان.