الماتى زووباعىندا ارىستاننىڭ كۇشىگىنە ارناپ جاڭا ۆولەر جاسالىپ جاتىر - فوتو

الماتى. قازاقپارات- ارنايى ماقساتتاعى بولىمشەلەر قاۋىمداستىعى الماتى زووباعىندا ارىستاننىڭ كۇشىگىنە ارناپ، ارنايى ۆولەر - تورلى ورىن دايىنداۋعا كىرىستى.
None
None

بۇل تۋرالى زووباقتىڭ باسپا ءسوز قىزمەتىنەن حابارلادى.

«قازاقستاننىڭ ارنايى ماقساتتاعى بولىمشەلەرى قاۋىمداستىعى جولبارىستارعا ارنالعان ۆولەرلەردى جابدىقتاپ بولعان سوڭ، ەندى ارىستاننىڭ ابدانىنا تورلى ورىن دايىنداۋعا كىرىستى»، - دەلىنگەن حابارلامادا.

ارداگەرلەر تورلى ورىندى بەزەندىرۋ جۇمىسىنا جاس سۋرەتشىلەر ۆالەري كرۋزە مەن الماز مارتوۆتى شاقىرىپتى. ولار گراففيتي ادىسىمەن ۆولەردىڭ قابىرعالارىنا ناقىشتاپ، سۋرەت سالىپ شىققان.

بۇدان كەيىن، ۆولەردىڭ ىشىنە ارىستاننىڭ ءجۇرىپ- تۇرۋىنا ارنالعان ءار ءتۇرلى جابدىقتار ورناتىلىپ، ويىنشىقتار قويىلدى.

 زووباق باسشىلىعىنىڭ مالىمدەۋىنشە، ۆولەردى جاساۋ بارىسىندا قاۋىپسىزدىك تەحنيكاسى ەرەجەسى تولىعىمەن ساقتالعان جانە ۆولەردى جابدىقتاۋعا مال دارىگەرلەرى قىزمەتىنىڭ ماقۇلداۋىمەن ەكولوگيالىق جاعىنان تازا ماتەريالدار قولدانىلعان.

ارنايى ماقساتتاعى بولىمشەلەر قاۋىمداستىعى قولعا العان بۇل قايىرىمدىلىق اكسياسى جالعاسىن تابادى. ەندى جاقىن بولاشاقتا مايمىلدار، جىرتقىش قۇستار جانە باسقا دا جانۋارلارعا ارنالعان جاڭا تورى ورىندار جاسالاتىن بولادى. ارداگەرلەر ۆولەرلەردى جانۋارلارعا لايىقتى ەتىپ بەزەندىرۋگە ەرىكتىلەردى شاقىرۋدا.

جاڭا ۆولەرگە ارىستاننىڭ ابدانى بۇگىن - جەكسەنبى كۇنى جىبەرىلەدى.

null null null null null null  

اۆتور: ايبوتا جاپپاربەرگەن

سوڭعى جاڭالىقتار