ءسۇيىنشى! ۆاسيلي لەۆيت فينالعا شىقتى

26 جاستاعى ە. ساۆون - 2015 -جىلعى الەم چەمپيوناتىنىڭ كۇمىس جۇلدە يەگەرى، 2008 -جىلعى جاستار اراسىنداعى الەم چەمپيوناتىنىڭ جەڭىمپازى، پانامەريكالىق ويىنداردىڭ چەمپيونى، ۇلتتىق بىرىنشىلىكتەردىڭ بىرنەشە دۇركىن چەمپيونى. ۆاسيلي لەۆيت ەكى دۇركىن قازاقستان چەمپيونى، ازيا بىرىنشىلىگىنىڭ جەڭىمپازى. ول وليمپيادانىڭ شيرەك فينالىندا ماۆريتانيالىق كەننەدي سەن- پەرردى تىزە بۇكتىرگەن. وتانداسىمىز ءۇش راۋند بويى قارسىلاسىنا ەسە جىبەرگەن جوق. تيجەسىندە تورەشىلەردىڭ ءبىر اۋىزدى شەشىمىمەن كەلەسى جارتىلاي فينالعا جولداما الدى. ەسەپ 3:0 (30:27, 30:27, 30:27). ال ونىڭ الدىندا ول قىتايلىق يۋي فەنكايدى ەكىنشى راۋندتا نوكداۋنعا جىبەرگەن بولاتىن. ال ءۇشىنشى راۋندتا قارسىلاسى جەكپە- جەككە شىعۋدان باس تارتقان. ەندى ۆاسيلي لەۆيت ءوزى تۇڭعىش وليمپياداسىندا قازاقتىڭ تۋىن جەلبىرەتىپ، ءان ۇرانىن اسقاقتاتىپ قايتادى دەگەن ۇمىتتەمىز. اۆتور: كۇنسۇلتان وتارباي