قازاقستاندىق شوۋ- بيزنەس وكىلدەرى ءتىل- كوزدەن، دۋادان قالاي قورعانادى؟

ءتىپتى، تانىمال جۇلدىزداردىڭ ومىرىنە ءبىرى قىزىعا قاراسا، ەندى ءبىرى قىزعانا قارايدى. بۇل تۋرالى 31- ارنا حابارلايدى.
ال، سونداي تانىمال ازاماتتارعا كوز تيە مە؟ شوۋ- بيزنەس وكىلدەرى ءتىلدىنىڭ تىلىنەن، كوزدىنىڭ كوزىنەن، دۋادان قالاي قورعانادى؟
تانىمال سانگەر جادىرا ساحيەۆا وسىدان ءۇش جىل بۇرىن قاتتى اۋىرىپ، توسەك تارتىپ جاتىپ قالادى. ءتىپتى، دارىگەرلەر ونىڭ نەمەن اۋىرىپ جاتقانىن دا ءدوپ باسىپ ايتا الماعان. سانگەر ءوزىنىڭ دەرتىن تەك ەكى اي وتكەننەن كەيىن ءبىراق بىلەدى.
وعان دەيىنكوز تيۋ دەگەنگە سەنە بەرمەيتىن سانگەر ىرىمشىل ارىپتەستەرىنە تەك كۇلە قارايتىن- دى. ءوزىنىڭ باسىننان ەشقاشان ونداي كەلەڭسىز جايتتەر وتپەيتىن دەپ ويلايتىن. الايدا، ەكى اي بويى نە تۇرا الماي، نە سويلەي الماي قالعان ديزاينەر كوز بەن ءتىلدىڭ تيەتىنىنە امالسىزدان سەنىپ، ودان قورعانۋدىڭ بىرنەشە جولدارىن ۇيرەنىپ العان.
جادىرا كوز ءتيۋدىڭ سەبەبىن، سول كەزدەگى ەرەكشە بەلسەندىلىگىمەن بايلانىستىرادى. كينو ءتۇسىرىپ، توپ قۇرىپ، ءبىر سوزبەن ايتقاندا ەل نازارىندا بولعانىن ايتادى. جاقىندا سانگەر تاعى ءبىر جوبانى قولعا الماق. سوندىقتان جۇمىسىنا كىرىسپەس بۇرىن الدىمەن ءتۇرلى جاعىمسىز سىرت كوزدەردەن الاستانىپ الماق.
ءانشى ەرلان ورىنباساروۆ كەيبىر وتاندىق جۇلدىزدار سىندى وتباسىن جاسىرمايدى. كەرىسىنشە، اشىق كورسەتەدى. ءتىپتى، ءبىر جاستاعى ۇلىن "ينتەرنەت جۇلدىزى" قىلىپ جىبەرگەن.
دەگەنمەن، سۇق كوزدەردەن كىشكەنتاي ءنازاراليدى قۇران- كارىم نەمەسە ءتۇرلى دۇعالار وقىپ ساقتايتىن كورىنەدى.
الەۋمەتتىك جەلىدە ارنايى پاراقشاسى بار ءنازاراليدىڭ بۇگىندە 11 مىڭنان استام تىركەلۋشىسى بار. قازاق ەستراداسىندا جۇلدىزدى جۇپ ەرلان مەن بايان بالاقايدىڭ دۇنيەگە كەلگەن ساتىنەن باستاپ، قازىرگە دەيىنگى سۋرەتتەرى مەن بەينەجازبالارىن ۇنەمى سالىپ وتىرادى. وسىلايشا، ءنازارالي ەل نازارىننان ءبىر ەلى قالىپ كورمەپتى.
"دو- ماجور" توبىنىڭ ەكس مۇشەسى ەرمەك مۇقاشيەۆ وسىدان التى جىل بۇرىن تاماعىنا تۇسكەن ىسىكتەن ونەرىمەن قوش ايتىسقان بولاتىن. دۇرىس تاماقتانباۋ، ۋاقتىلى ۇيىقتاماۋ جانە وعان قوسا سول كەزدە تانىمال بولعان جىگىتكە كوز تيۋ دە مۇمكىن ەكەن.
2011 -جىلى تاماعىنا شىققان جارانى جاسىرۋ ءۇشىن ءانشى ءتۇرلى امالدار جاساعان. سول جىلى قايرات نۇرتاسپەن تۇسىرگەن بەينەبايانىندا ساقال وسىرسە، توي، كونتسەرت سىندى مەرەكەلىك كەشتەرگە "ۆودولازكا" كيىپ باراتىن بولعان. ءتىپتى، وتباسىلى ءانشى جانۇياسىنان دا الشاقتاپ كەتكەنىن جاسىرمايدى.
ەمحانالارعا بارىپ تابان توزدىرعان ەرمەك ومىردەن كۇدەرىن ۇزە باستاعان شاقتا فرانسيادان كەلگەن قارياعا جولىعادى. ەرمەكتى ەمشى التى ايدىڭ ىشىندە ەمدەپ جازادى. بۇگىندە ءانشى قايتادان ساحناعا ورالىپ، "ارمان ايىم" اتتى انىمەن تىڭدارماندارىمەن قايتا قاۋىشتى.