قوستانايلىق قىزعا ۇيلەنگەن نيگەريالىق جىگىت قازاقستانداعى ءومىرى جايلى ايتىپ بەردى

استانا. قازاقپارات - قوستانايلىق قىزعا ۇيلەنگەن نيگەريالىق جىگىت قازاقستانداعى ءومىرى جايلى ايتىپ بەردى قوستانايلىق قىزعا ۇيلەنگەن نيگەريالىق جىگىت قازاقستانداعى ءومىرى جايلى ايتىپ بەردى.
None
None

نيگەريالىق مۋسابۋ كاريم دەگەن جىگىتتىڭ قوستانايدا قوناق بولىپ جاتقانىنا وسىمەن ەكىنشى اي بولدى. شەتەلدىك جەرگىلىكتى قىزبەن ۇيلەنگەن. ول قالاداعى ءومىرىن ايتىپ بەردى جانە جەرگىلىكتى كليمات پەن جەرگىلىكتى اسحانانانىڭ نەسىمەن قىزىقتىرعانى جونىندە ءبولىستى. بۇل تۋرالى "ناش كوستاناي" گازەتى جازادى.

مۋسباۋ كاريم مەن قوستانايلىق داريا يكەرت تۇركيادا تانىسقان، ولار وندا قوناقۇيدە انيماتور بولىپ جۇمىس ىستەگەن. ولار ءبىرىن ءبىرى جاقسى كورىپ، وزدەرىنىڭ تاعدىرىن بايلانىستىرۋدى شەشكەن. ولار ۇيلەنۋ تويىن نيگەريادا جاساعان، وندا ءبىراز ۋاقىت بولىپ، بىرنەشە اي بۇرىن قوستانايعا كەلگەن.

افريكادان كەلگەن قوناق قالانى ءسوزسىز ۇناتقانىن ايتادى. "داشا قوستاناي تۋرالى ماعان كوپ ايتقان، مەنىڭ تۇسىنىگىمدە ول كوپ ەستىگەن الايدا ءالى بولىپ كورمەگەن رەسەيدىڭ قالالارىمەن قاتتى ۇقساس سياقتى. قوستاناي جيناقى، تازا ءارى تىنىش قالا. الايدا مۇندا قىدىرۋعا ارنالعان جەرلەر كوپ ەمەس"، - دەدى ول.

"ايتپاقشى، سىزدەردە كاريم دەگەن ەسىمنىڭ بار ەكەنىن ءبىلدىم، - بۇل مەنىڭ تەگىمە ۇقساس بولىپ ەستىلەدى. سوندىقتان مەن جەڭىل بولۋ ءۇشىن تانىسقان كەزدە وسى ەسىممەن تانىسامىن"، - دەدى جاس جىگىت.

ونىڭ ايەلى داشا مۋسابۋدىڭ قالا ورتالىعىندا قىدىرعاندى جاقسى كورەتىنىن ايتادى. "وعان قوستانايلىقتار قاتتى ۇنايدى - ولار وعان تاڭعالا قارايدى، كۇلەدى، جاقىندايدى، سۇراقتار قويادى، ەڭ ءجيى قويىلاتىن سۇراق - "قايدانسىڭ؟ ". ءبىز تۇركيادا ءبىراز ءومىر سۇردىك، وندا وعان ادامدار تۇنەرىپ قارايتىن، ال بىزدە مەيىرىمدى ادامدار تۇرادى"، - دەدى قىز بالا.

قوستاناي تۇرعىندارى مۋسابۋمەن سۋرەتكە ءتۇسۋدى ءجيى سۇرايدى. "تاياۋدا مۋسابۋ دۇكەنگە بارعان، سول كەزدە ءبىر اۆتوكولىكتەن ەكى اسكەري فورما كيگەن جىگىت جۇگىرىپ كەلىپ "كەشىرىڭىز، سىزبەن سۋرەتكە تۇسۋگە بولا ما؟ " دەپ سۇرادى. ول مۇنداي وتىنىشتەرگە رەنجىمەيدى، ال جىگىتتەر سۋرەتكە ءتۇسىپ، راقمەتىن ايتتى دا كەتىپ قالدى"، - دەپ ەسىنە تۇسىرەدى داشا.

تاعامدارعا كەلەر بولساق، قازاقستاندا مۋسابۋعا باسىلعان كۇرىش پەن ەت پەن كارتوپتى بۇقتىرىپ جاساعانىن ۇناتادى. ال ۆارەنيك بولسا مۇلدەم ۇنامادى. ول اۋا رايىنا دا دۇرىس ۇيرەنە الماي ءجۇر: "ىلعي كۇن جارقىراپ تۇرىپ، جاڭبىر جاۋىپ كەتەدى، اۋا قىسىمى ءارۋالان، مەن مۇنداي كليماتتى ءبىرىنشى رەت كوردىم".

داشامەن بىرگە ول استاناعا بارىپ ۇلگەرگەن. مۋسابۋ قازاقستاننىڭ استاناسىن كورىپ، تاڭقالىپتى. "وتە ادەمى جاس قالا، ونىڭ ءالى ءوسىپ كەلە جاتقانى بايقالادى جانە ونىڭ كەلەشەگى بار"، - دەدى ول. ەندىگى كەزەكتە نيگەريالىق كۇيەۋ بالا الماتىنى كورگىسى كەلەدى ەكەن.

 

tengrinews.kz

سوڭعى جاڭالىقتار