فارحاد حاركي: ۇلتىمنىڭ كىم ەكەنى ماڭىزدى ەمەس، ەڭ ماڭىزدىسى - قازاق ەلىنە جۇلدە سىيلادىم

 ريو- دە- جانەيرو. قازاقپارات - ۇلتىمنىڭ كىم ەكەنى ماڭىزدى ەمەس، ەڭ ماڭىزدىسى - قازاق ەلىنە جۇلدە سىيلادىم. بۇل تۋرالى فارحاد حاركي ريودا قازاقپارات تىلشىسىنە بەرگەن سۇحباتىندا ءمالىم ەتتى.
None
None

 «ۇلتىمنىڭ كىم ەكەنى ماڭىزدى ەمەس. ەڭ ماڭىزدىسى، قازاق ەلىنە جۇلدە سىيلادىم. قازاقستانعا وزگە ەلدەن كەلگەنىمدى جاسىرمايمىن. ءبىراق، كوپتەگەن ادامداردىڭ تەگىمدى سۇراپ، ۇساققا باراتىنىن تۇسىنبەيمىن. بۇل جەردە ماڭىزدىسى مەنىڭ شىققان تەگىم ەمەس، جەتىستىگىم ەمەس پە؟ ەندەشە، ۇساققا بارمايىق. مەن ريودا قازاقتىڭ ءانۇرانىن شىرقاتا الماسام دا، قازاقتىڭ تۋىن ءۇشىنشى ساتىدان كورسەتە الدىم»، - دەدى حاركي.

ول سونداي- اق، قازاق ەلىنىڭ ازاماتى ەكەنىن ماقتانىشپەن ايتىپ ءوتتى.

«مەن قازىر باسقا ءبىر ەلدىڭ ازاماتى ەمەسپىن. قازاق ەلىنىڭ ازاماتتىعىن قابىلدادىم. مەن سول ازاماتتىقتى قابىلداعان كۇننەن باستاپ قازاقستاندىق اتاندىم. مەن وسى شەشىمدى قابىلداعانىما وكىنبەدىم. تەك قۋانامىن. سول ءۇشىن باقىتتىمىن. ءالى دە قازاق ەلىنىڭ نامىسىن قورعاۋعا دايىنمىن»، - دەپ اتاپ ءوتتى ريو وليمپياداسىنىڭ قولا جۇلدەگەرى.

ەستەرىڭىزگە سالا كەتەيىك، وليمپيادانىڭ ءۇشىنشى كۇنى اۋىر اتلەت فارحاد حاركي قازاقستان قورجىنىنا قولا مەدال سالعان بولاتىن.

زىلتەمىرشى فارحاد حاركي - قىتاي سپورت مەكتەبىنىڭ تۇلەگى. ءبىراق، 6 جىلدان بەرى اقتوبەدەگى وبلىستىق وليمپيادا رەزەرۆتەرىن دايارلاۋ ورتالىعىنىڭ قول استىندا.

اۆتور: كۇنسۇلتان وتارباي

سوڭعى جاڭالىقتار