08:23, 13 - تامىز 2016 | GMT +5
وباما دەمالىس كەزىندە قانداي كىتاپتار وقيتىنىن ايتىپ بەردى
استانا. قازاقپارات - ا ق ش پرەزيدەنتى باراك وباما ءوزىنىڭ جازعى دەمالىسىندا بەس كىتاپ وقۋدى جوسپارلاۋدا. ولاردىڭ ءتىزىمى جۇما كۇنى، 12 - تامىزدا اق ءۇيدىڭ سايتىندا جاريالاندى.

تىزىمدە ءبىرىنشى بولىپ ۇزدىك عۇمىرناما ءۇشىن 2016 -جىلعى پۋليتسەر سىيلىعىن يەلەنگەن ۋيليام فيننەگاننىڭ «جاباي ءومىر: سەرفەردىڭ ءومىرى» كىتابى تۇر. ەكىنشى ورىندا - امەريكاندىق رومانشى كولسون ۋايتحەدتىڭ «جەراستى تەمىرجولى» كىتابى. ۇشتىكتى حەلەن ماكدونالدتىڭ «مەن قارشىعامىن» كىتابى تۇيىندەگەن.
سونداي- اق تىزىمگە پول حوكينستىڭ پسيحولوگيالىق تريللەر جانرىنداعى «پويىزدا كەلە جاتقان قىز» رومانى ەنگەن، CNN باسىلىمنىڭ اتاپ وتۋىنشە، بۇل كىتاپ بويىنشا كينو ءتۇسىرىلدى، ول پروكاتقا وسى جىلعى قازاندا شىعادى، سونداي- اق نيل ستيۆەنسوننىڭ «جەتى حاۋا انا» فانتاستيكالىق رومانى بار.
ا ق ش پرەزيدەنتى ءوزىنىڭ ەكى اپتالىق دەمالىسىن وتباسىمەن ماسساچۋسەتس شتاتىنىڭ مارتاس- ۆينيارد ارالىندا وتكىزەدى، دەپ جازادى ر ب ك.