استانالىق نەيروحيرۋرگتەر تۇڭعىش رەت باس ميىنا بىرەگەي وتا جاسادى

استانا. قازاقپارات - استانالىق نەيروحيرۋرگتار باس ميىنا بىرەگەي وتا جاسادى. وسىلايشا، تۇڭعىش رەت دارىگەرلەر ناۋقاستىڭ ميىنداعى قان تامىرىنىڭ كەڭەيگەن بولىگىن الىپ تاستادى.
None
None

ەرەكشە وپەراتسيا وڭتۇستىك قازاقستاننان اۋىر حالدە جەتكىزىلگەن ايەلگە جاسالدى. 4 سانتيمەترگە وسكەن ىسىك ناۋقاستىڭ ومىرىنە قاۋىپ توندىرگەن. ويتكەنى جارىلىپ، ميعا قان قۇيىلۋى مۇمكىن ەدى. وپەراتسيا ءساتتى ءوتتى. ناۋقاستىڭ حالى جاقسى، - دەيدى دارىگەرلەر.

ەكى اپتا بۇرىن عانا 36 جاستاعى ايسۇلۋ داۋموۆانىڭ سويلەۋگە شاماسى جەتپەي، توسەك تارتىپ جاتقان ەدى. وسىدان ەكى اي بۇرىن بوسانعان ايەل قازىر ەمىن- ەركىن قوزعالىپ ءجۇر.

 ايسۇلۋ داۋموۆا، ناۋقاس:

 باسىمنىڭ مىنا جاعى تۇگەل اۋىراتىن. ۇيدە جۇرە الماي قالعام. كۇيەۋىم جۇمىستا بولعاندىقتان، 8 جاستاعى ۇلىم كىشكەنتاي ىنىسىنە قارايتىن. قازىر جاعدايىم جاقساردى.

تالعات پازىلبەكوۆ، ۇلتتىق نەيروحيرۋرگيا ورتالىعىنىڭ مەديتسينالىق ديرەكتورى:

 وتانىڭ قيىندىعى - ول تامىرلار ارقىلى جاسالادى. قان تامىرلارعا كاتەتەرلار ەنگىزىلىپ، جاڭاعى انيەۆريزمالاردىڭ اۋزى جابىلادى. بۇلار باس ميىنىڭ تامىرلارى. وتە كۇردەلى. سوندىقتان ءمۇلت كەتسەك، مي قىزمەتىنە كەرى اسەرى ءتيۋى مۇمكىن.

ASTANATV. KZ

سوڭعى جاڭالىقتار