تايلاندتاعى قازاقستاندىق دەمالۋشى: قالاعا شىعۋ قورقىنىشتى، ءبىراق دەمالىسىمىزدى جالعاستىردىق
«جاڭالىقتاردى قازاقستاندىق ب ا ق- تان بىلدىك. ابىروي بولعاندا، ول بىزگە اسەر ەتپەدى. دەمالىپ جاتىرمىز»، - دەدى قازاقستاندىق تۋريست يلزات سافارگاليەۆ.
وتانداسىمىز دەگەنمەن دە قالاعا شىعۋ قورقىنىشتى ەكەنىن جەتكىزدى.
«ءبىز كۋرورتتى ايماقتامىز. ول بولەك مەملەكەت سياقتى. الايدا، قالاعا شىعۋ قورقىنىشتى»، - دەدى ول.
ايتا كەتەيىك، ق ر سىرتقى ىستەر مينيسترلىگىنىڭ باسپا ءسوز قىزمەتى تايلاندتا ورىن العان ءبىرقاتار جويقىن جارىلىستاردان قازا تاپقاندار مەن جاراقاتتانعاندار اراسىندا قازاقستاندىقتار جوق ەكەنىن بۇعان دەيىن ءمالىم ەتكەن بولاتىن.
بۇگىن تۇندە تايلاندتىڭ وڭتۇستىگىندە ورنالاسقان كۋرورتتىق ايماقتاردا - سۋرات تحاني قالاسىندا، پحۋكەت ارالى مەن حۋاحين ەلدى- مەكەنىندە ءبىرقاتار جارىلىس ورىن الدى. الدىن الا تاراتىلعان مالىمەت بويىنشا، ءتورت ادام قازا تاۋىپ، ونداعان ادام جارالاندى.
