قىزىلوردا وبلىسىندا ۇلتتىق سپورت ۇلىقتالدى - فوتو

 قىزىلوردا. قازاقپارات - قىزىلوردا وبلىسى، جاڭاقورعان اۋدانىندا ۇستىمىزدەگى جىلدىڭ 8-12- تامىز ارالىعىندا ۇلتتىق سپورت تۇرلەرى: كوكپار، اۋدارىسپاق، تەڭگە ءىلۋ مەن جامبى اتۋدان قازاقستان رەسپۋبليكاسىنىڭ V چەمپيوناتى ءوتتى.
None
None

 بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى حابارلادى.

جاسوسپىرىمدەر اراسىندا وتكىزىلگەن ەل چەمپيوناتىنا الماتى قالاسى، اقتوبە، اقمولا، جامبىل، باتىس قازاقستان، ماڭعىستاۋ، وڭتۇستىك قازاقستان جانە قىزىلوردا وبلىستارىنان 8 كوماندا قاتىستى.

جارىس قورىتىندىسىندا كوكپاردان وڭتۇستىك قازاقستان وبلىسىنىڭ شاباندوزدارى 1-ورىندى يەلەندى. كۇمىس جۇلدە قىزىلوردا وبلىسىنىڭ، ال قولا جامبىل وبلىسىنىڭ كوماندالارىنا بۇيىردى.

جارىس باعدارلاماسىنا سايكەس، اۋدارىسپاق شەبەرلەرى 5 سالماق دارەجەسىندە كۇش سىناستى. 40 كەلى سالماقتا جاقىپ راسىلبەك (و ق و) چەمپيون اتانسا، دياسقوجا مۇزاراپ ( قىزىلوردا وبلىسى) كۇمىس، بەكنۇر ابدراحمانوۆ (ب ق و) قولا جۇلدەگە يە بولدى.

50 كەلى سالماقتا باتىس قازاقستاندىق راحماتوللا تەمىربەكوۆتىڭ مەرەيى ۇستەم بولدى. 2-ورىندى ەرمەك قۇرالبايەۆ (و ق و)، 3-ورىندى سەرجان بەيبىتوۆ (جامبىل) يەلەندى.

 60 كەلى سالماقتا نارماعانبەت يمانعازى ۇلى (ب ق و) چەمپيون اتانسا، ءابدىناسىردين فايزۋللا ( قىزىلوردا) ەكىنشى ورىنعا يە بولدى. بەرىك بەكۋس (و ق و) قولا مەدالعا قول جەتكىزدى.

70 كەلى سالماقتا اقتوبەلىك بالتابەك تورەبەك جەڭىس تۇعىرىنا كوتەرىلدى. ازيزبەك ايتمىرزا (و ق و) كۇمىس، ءادىل وڭعاربايەۆ (ب ق و) قولا جۇلدەلەرگە يە بولدى.

70 كەلىدەن جوعارى سالماقتا ءجاسادىل ەمبەرگەنوۆ (اقتوبە وبل. ) 1- ورىندى يەلەندى. ناربوتا بوسوۆ (اقمولا) 2-ورىندى، انۋاربەك قاليەۆ (ب ق و) 3- ورىندى ەنشىلەدى.

 تەڭگە ءىلۋ سايىسىندا قىزىلوردالىق الىشەر سەيىتحان ەل چەمپيونى اتانسا، عالىمجان ءىزجانوۆ (و ق و) ەكىنشى ورىندى الدى. باتىس قازاقستاندىق تورەحان باقىتجانوۆ قولا جۇلدەگە يە بولدى.

جامبى اتۋدان وڭتۇستىك قازاقستان وبلىسىنان بايداۋلەت وتەلباي ءوزىنىڭ ۇزدىك ەكەنىن دالەلدەسە، اقتوبەلىك ازامات قۋانىش كۇمىس، قىزىلوردالىق جادىگەر اينازار قولا جۇلدەگە يە بولدى.

null null null null null null 

سوڭعى جاڭالىقتار