قوستاناي وبلىسىندا اۋدان اكىمىنىڭ ورىنباسارى سۋعا باتىپ بارا جاتقان ايەلدى قۇتقارىپ قالدى

وبلىستىق ت ج د باسپا ءسوز قىزمەتىنىڭ مالىمەتىنشە، بوروۆسكوي اۋىلىنىڭ تۇرعىندارى وسى اۋدان ورتالىعى ماڭىندا ورنالاسقان كولگە ءجيى تۇسەدى ەكەن.
تامىز ايىنىڭ ىستىق كۇندەرى اۋىل تۇرعىنى، ەگدە جاستاعى ايەل جاعالاۋدان الىس كەتىپ، قايتىپ كەلە الماعان. سودان «قۇتقارىڭدار» دەگەن داۋىستى سول ماڭايدا جۇرگەن مەڭدىقارا اۋدانى اكىمىنىڭ ورىنباسارى قۇرمانعازى ءسادۋاقاسوۆ ەستىپ، ايەل ادامعا كومەككە اسىققان. سول ۋاقىتتا ايەل ازەر دەگەندە سۋ بەتىندە قالقىپ تۇرعان ەكەن.
«مەن كولدىڭ جاعاسىندا بولعانمىن. شومىلۋشىلار اراسىنان ەگدە جاستاعى ايەلدى بايقادىم، ول جاعادان ءبىراز ۇزاپ كەتىپتى. سودان كەيىن سۋدىڭ شولپىلداعانىن جانە قۇتقارىڭدار دەگەن داۋىستى ەستىپ، بىردەن سۋعا قاراي ۇمتىلدىم»، - دەيدى ايەلدى دەر كەزىندە قۇتقارىپ قالعان شەنەۋنىك.
اۋداندىق اۋرۋحانانىڭ قىزمەتكەرلەرى زارداپ شەگۋشىگە قاجەتتى مەديتسينالىق كومەك كورسەتكەن. ءبىراق ونى اۋرۋحاناعا جەتكىزۋ قاجەتتىلىگى تۋماپتى.
قوستاناي وبلىستىق توتەنشە جاعدايلار دەپارتامەنتىندەگىلەر تۇرعىنداردان سۋعا تۇسكەن كەزدە قاراپايىم قاۋىپسىزدىك ەرەجەلەرىن ساقتاۋدى سۇرايدى.
Kaz.tengrinews.kz