وقۋعا تاپسىرعان ساكەن مايعازيەۆتى كورگەن تالاپكەرلەر سىناقتى ۇمىتىپ كەتتى - فوتو
بيىلعى تالاپكەرلەردىڭ اراسىندا «مۋزارت» توبىنىڭ مۇشەسى ساكەن دە بار. ول ءوزىنىڭ باعى مەن ءبىلىمىن سىناپ، تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنا دوكتورانتۋراعا وقۋعا تۇسپەك نيەتتە.
انشىلىكپەن قوسا، ۇستازدىق قىزمەتتى دە قاتار الىپ جۇرگەن مايعازيەۆ ءبىلىمىن شىڭداي ءتۇسىپ، قوسىمشا ءىلىم ۇيرەنۋگە دەگەن تالپىنىسىن جاسىرمادى.
ول ءوزىنىڭ Instagram جەلىسىندەگى پاراقشاسىنا تالاپكەرلەرمەن بىرگە تۇسكەن سۋرەتىن سالىپ: «ادامزاتتىڭ اسىلىنىڭ (س. ا. س. ): «تال بەسىكتەن جەر بەسىككە دەيىن وقى (ۇيرەن)» دەگەن وسيەتىنە امال ەتىپ، قازاق ۇلتتىق ونەر اكادەمياسىنان دوكتورلىق قورعاسام دەگەن نيەتپەن اعىلشىن تىلىنەن سىناق تاپسىرىپ قايتتىم. ناتيجەسى جاقسى بولسا بولار ەدى. ساتتىلىك تىلەپ قويىڭىزدار»، - دەپ جازدى ءانشى جەلىدەگى پاراقشاسىنا.
ال جەلى قولدانۋشىلارى انشىگە اعىلشىن تىلىنەن وتەتىن سىناقتا ساتتىلىك تىلەدى.
ايتا كەتەيىك، ساكەن مايعازيەۆ 1993 -جىلى جۇسىپبەك ەلەبەكوۆ اتىنداعى رەسپۋبليكالىق ەسترادا - سيرك كوللەدجىنە ءتۇسىپ، «سوقپالى اسپاپتار جانە ەسترادا ءانشىسى» ءبولىمى بويىنشا ك. بەكتايەۆ پەن ل. كەسوگلۋدان ساباق العان.
1997 - جىلى تەمىربەك جۇرگەنوۆ اتىنداعى «ونەر» اكادەمياسىنىڭ «ەسترادا ءانشىسى» بولىمنە وقۋعا تۇسەدى. 2012 - جلىدان باستاپ جۇسىپبەك ەلەبەكوۆ اتىنداعى ەسترادا جانە سيرك كوللەدجىندە ۇستاز بولىپ، شاكىرت تاربيەلەگەن.
دەرەككوز: Nur.kz
