شەشەسى قازاق بوكسشى وليمپيادادا نيازىمبەتوۆكە قارسى شىعادى

81 كەلىگە دەيىنگى سالماق دارەجەسىندە نيازىمبەتوۆ 15 -تامىزدا ءازىربايجاننىڭ نامىسىن قورعايتىن تەيمۋر مامەدوۆپەن جۇدىرىقتاسادى. جەكپە- جەك استانا ۋاقىتى بويىنشا ساعات 4.45-تە باستالادى جانە ونى "حابار" تەلەارناسى تىكەلەي ەفيردە كورسەتەدى.
1/8 فينالدا نيازىمبەتوۆ بەلورۋس ميحايل دولگوليەۆەتستى ايقىن باسىمدىقپەن جەڭگەن ەدى. ءوز كەزەگىندە مامەدوۆ نيدەرلاندتىق پەتەر مۋللەنبەرگتەن باسىم ءتۇستى.
23 جاستاعى مامەدوۆ ءازىربايجاننىڭ ۇزدىك بوكسشىلارىنىڭ ءبىرى. ول ەۋروپا چەمپيوناتىندا جانە ەۋروپا ويىندارىندا جەڭىمپاز اتانعان، ال 2012 -جىلى لوندونداعى وليمپيادادا قولا مەدال العان بولاتىن. ال وسى جىلى مامەدوۆ وليمپيادانىڭ اشىلۋ سالتاناتىندا ءازىربايجان قۇراماسىنىڭ تۋىن ۇستاپ شىقتى.
مامەدوۆتىڭ اتا- اناسى شىمكەنتتىڭ تۋماسى ەكەن، ال شەشەسىنىڭ ۇلتى - قازاق. تەيمۋردىڭ ءوزى قازاقستانعا تۋىسقاندارىنا كەلىپ تۇرادى ەكەن.