ادىلبەك نيازىمبەتوۆ تە شيرەك فينالعا جولداما الدى

بۇل تۋرالى ريوداعى قازاقپارات ءتىلشىسى حابارلادى.
ادىلبەك، ءۇش راۋندتا دا تىزگىندى ءوز قولىندا ۇستادى. قارسىلاسى قانشا جەردەن ۇمتىلعانىمەن جەرلەسىمىزگە شاماسى جەتپەدى. وسىلايشا ادىلبەك شيرەك فينالعا ءوتتى. ەسەپ-3:0.
بۇگىن ءتورت بوكسشىمىز شارشى الاڭعا شىعىپ، ادىلبەكپەن بىرگە ەكەۋى كەلەسى اينالىمعا وتسە، بىرەۋى ۇتىلىپ قالدى. كەلەسى كەزەڭگە قايرات ەراليەۆ، دانيار ەلەۋسىنوۆ جولداما السا، ابىلايحان ءجۇسىپوۆ ريو وليمپياداسىنداعى جارىسىن اياقتادى.
ەستەرىڭىزگە سالا كەتەيىك، وليمپيادانىڭ العاشقى جارىس كۇنى 60 كەلىگە دەيىنگى سالماق دارەجەسىندە بەرىك ءابدىراحمانوۆ ۇتىلىپ قالسا، كەشە 49 كەلىدەگى ءبىرجان جاقىپوۆ شيرەك فينالدا قارسىلاسىنا جول بەردى. بۇگىن ابىلايحان ءجۇسىپوۆ جارىس جولىنان شىعىپ قالدى.
ەندى جارىس جولىندا 10 بوكسشىنىڭ جەتەۋى قالدى.
اۆتور: كۇنسۇلتان وتارباي