20:19, 11 - تامىز 2016 | GMT +5
كولۋمبيا استاناسىنداعى قىلمىستى اۋدان جويىلماق
استانا. قازاقپارات - كولۋمبيا بيلىگى ەل استاناسى بوگوتا ماڭىندا بۇزاقىلىق پەن قىلمىس ەڭ كوپ جاسالاتىن برونكس اۋدانىن جويۋ جۇمىستارىن باستادى.

مامىر ايىندا مۇندا قىلمىستىق ىستەرگە قارسى وپەراتسيا جۇرگىزىلىپ، 200 ايەل زورلىق- زومبىلىقتان ازات ەتىلدى. بوگوتا قاۋىپسىزدىك ءمينيسترىنىڭ ايتۋىنشا، جاڭعىرتۋدان كەيىن ءدال وسى جەرگە لوس-مارتيرەس اۋدانىنىڭ بيلىگىن ورنالاستىرماق. وعان قوسا جەرگىلىكتى بىرنەشە مەملەكەتتىك مەكەمەلەردى كوشىرمەك. ەسكى نىسانداردى قيراتۋعا بيلىك اۋىر تەحنيكالاردى پايدالانۋدا. ال تۇرعىندار مەن قاراقشى توپتار باسشىلىقتىڭ بۇل ىسىنە ەش قارسىلىق كورسەتپەي، اۋداندى تاستاپ كوشۋگە ءماجبۇر بولعان.
www.24.kz