ورىستىڭ ۇلى اقىنى پۋشكيننىڭ ۇرپاعى الەمدەگى ەڭ جاس ميللياردەر اتاندى

استانا. قازاقپارات - ورىس اقىنى الەكساندر پۋشكيننىڭ ۇرپاعى، گەرسوگ حيۋ گروسۆەنور 25 جاسىندا الەمدەگى ەڭ جاس ميللياردەر اتاندى.
None
None

ول اكەسى گەرسوگ دجەرالد گروسۆەنور قايتىس بولعاننان كەيىن ونىڭ مۇراسىن يەلەنگەن. بۇل تۋرالى Bloomberg اگەنتتىگى حابارلادى. باسىلىم بۇل تۋرالى 11 -تامىزدا، بەيسەنبى كۇنگە جاساعان الەمنىڭ ەڭ باي 400 ادامى تۋرالى رەيتىنگىنە جازدى.

ۇلى بريتانيادا ەڭ باي ادامنىڭ قايتىس بولعانى تۋرالى مالىمەت 9 -تامىزدا بەلگىلى بولعان. دجەرالد گروسۆەنور 64 جاسىندا دۇنيەدەن وزدى. ول Forbes نۇسقاسى بويىنشا الەمنىڭ ەڭ باي ادامدارىنىڭ تىزىمىندە 68- بولعان (13 ميلليارد دوللار)، ال ۇلى بريتانيانىڭ ەڭ باي ادامدارىنىڭ تىزىمىندە ءۇشىنشى بولعان.

اگەنتتىك ونىڭ اناسىنىڭ اقىننىڭ ۇرپاعى ەكەنىن ناقتىلايدى. Bloomberg مالىمەتىنشە، دجەرالد گروسۆەنور 1978 -جىلدان بەرى پۋشكيننىڭ ۇرپاعى بولىپ سانالاتىن ناتالي ايشە فيليپسپەن نەكەدە تۇرعان. دجەرالد پەن ناتاليدىڭ حيۋدەن باسقا تاعى ءۇش بالاسى بار، ولار: تامارا، ەدۆينا جانە ۆيولا.

گروسۆەنورلار اۋلەتىنىڭ سونىمەن قاتار تاققا دا قاتىسى بار. حيۋ گروسۆەنور ۋيليام حانزادا مەن كەيت ميددلتوننىڭ ۇلى دجوردج حانزادانىڭ وكىل اكەسى.

سوڭعى جاڭالىقتار