اقتوبەدە لاڭكەستىكتى ناسيحاتتاعانى ءۇشىن ءۇش ادام سوتتالدى

استانا. قازاقپارات - اقتوبەدە لاڭكەستىكتى ناسيحاتتاۋ نەمەسە لاڭكەستىك اكتىسىن جاساۋعا جاريا تۇردە شاقىرۋ قىلمىستىق قۇقىق بۇزۋشىلىعىن جاساعانى ءۇشىن ءۇش ادامعا قاتىستى باس بوستاندىعىنان ايىرۋ ۇكىمى شىعارىلدى.
None
None

بۇل تۋرالى اقتوبە وبلىستىق سوتىنىڭ باسپا ءسوز قىزمەتىنەن حابارلاندى.

سوتتا انىقتالعانداي، ت. ب. ءماجيتوۆ تەلەكوممۋنيكاتسيالار جەلىلەرىن پايدالانا وتىرىپ، تەرروريزمدى ناسيحاتتاۋ نەمەسە تەرروريزم اكتىسىن جاساۋعا جاريا تۇردە شاقىرۋ ماقساتىندا، 2015 -جىلعى تامىز ايىندا «ۆكونتاكتە» الەۋمەتتىك جەلىسىندە «ابۋحوليد ابدۋمادجيد» اتىمەن وزىنە جەكە پاراقشا اشقان. وسىدان كەيىن ول تانىستارىنا قارجىلىق كومەك جاساۋ تۋرالى ماتىندەر تاراتقان. ودان ءارى، ءماجيتوۆ 2015 -جىلدىڭ 7-10 -جەلتوقسان ارالىعىندا تەرروريزمدى ناسيحاتتاۋ ماقساتىندا دوستارىنا «ۋاقىت كەلدى احي»، «اسسالام ۋالەيكۋم احي ءبىزدىڭ ۋاقىت كەلدى ين شا اللاح»، «قانشا جۇرە بەرەمىز احي» دەگەن مازمۇنداعى ۇندەۋ تۋرالى حات جازىپ، ءوزىن-ءوزى جارىپ «شاحيد» جاساۋ تۋرالى بەينەروليكتەر جىبەرگەن.

بۇدان سوڭ، ت. ب. ءماجيتوۆ شالقار اۋدانىنىڭ تۇرعىندارى ە. ا. امانعوجين مەن م. س. تۇرعانبايەۆپەن تەلەكوممۋنيكاتسيالىق جەلىلەرىن پايدالانا وتىرىپ، لاڭكەستىكتى ناسيحاتتاعان، سونداي-اق تەرروريزم اكتىسىن جاساۋدى جاريا تۇردە «Whats app» الەۋمەتتىك جەلىسى ارقىلى تاراتقان كورىنەدى.

سوت شەشىمىمەن ءماجيتوۆ كىنالى دەپ تانىلىپ، مۇلكىن تاركىلەپ، سەگىز جىل مەرزىمگە باس بوستاندىعىنان ايىرۋ جازاسى بەلگىلەندى. جازانى وتەۋ جەرى رەتىندە تۇزەۋ كولونياسىنىڭ جالپى رەجيمى ايقىندالدى. وسىنداي جازا امانعوجينگە دە تاعايىندالدى. ال تۇرعانبايەۆ مۇلكىن تاركىلەۋمەن 6 جىل 6 ايعا سوتتالدى.

اۆتور: رۋسلان عابباسوۆ

  

سوڭعى جاڭالىقتار