ۇلى بريتانيادا ورمەكشى مەن شاياننىڭ ۋىنان ءدارى- دارمەك جاسالادى

ولار ەندى ءدارۋى زور ءدارى- دارمەكتىڭ جاڭا ءتۇرىن جاساپ شىعارۋعا بەلسەنە كىرىسىپ جاتىر. ادامنىڭ زارەسىن الىپ، ۇرەيىن ۇشىراتىن ۋلى جاندىكتەردەن دە پايدا تابۋعا بولادى دەپ كىم ويلاعان.
انگليانىڭ وڭتۇستىك- شىعىسىنداعى زەرتحانادا 400-گە جۋىق ومىرتقاسىز زيانكەس تىرشىلىك ەتەدى. ولاردىڭ اراسىندا ءبۇيى مەن شاياننىڭ ونداعان ءتۇرى بار. بۇل جاندىكتەردە كىسىنى سەسپەي قاتىراتىن ۋ بارى بارشاعا ايان. ءبىراق ونىڭ ادامدى اجالدان اراشالاپ قالاتىن قاسيەتى بارىن ەكىنىڭ ءبىرى بىلە بەرمەسە كەرەك. زەرتحانا قىزمەتكەرلەرى جاندىكتەردى ۋاقىتشا ۇيىقتاتىپ، ەلەكترستيمۋلياتسيا ارقىلى ۋدىڭ ۇساق تامشىسىن الىپ، ونىڭ ءوزىن تاعى بىرنەشە بولشەككە بولەدى.
ستيۆەن تريم، زەرتحانا قىزمەتكەرى:
- ۋ شيكى مۇناي سياقتى بىرنەشە جۇزدەگەن بولشەكتەن تۇرادى. ولاردى جوعارى قىسىمدى سۇيىقتىق حروماتوگرافيا دەپ اتالاتىن ۇدەرىس نەگىزىندە ىدىراتامىز. بۇل بىزگە جۇزدەگەن ءارتۇرلى قوسپالار بەرەدى. ولاردىڭ ءارقايسىسىندا بىردەن بەسكە دەيىن پەپتيد بولادى. مىنە، وسى جاسۋشالار ورمەكشىلەر مەن شاياندارعا ءوز جەمتىگىن ولتىرۋگە مۇمكىندىك بەرەدى. عالىمدار اتالعان ءتاسىلدى قالىپتى انتي بيوتيكتەرگە بوي ۇيرەتىپ العان باكتەريالاردى جويۋ ىسىندە قولدانۋعا بولادى دەپ سەنەدى. قازىر بۇل زەرتحانا بىرنەشە فارماتسيەۆتيكا كومپانيالارىمەن ىنتىماقتاستىق ورناتىپ، بىرلەسە جۇمىس ىستەۋدە. وسى ارىپتەستىك ارقاسىندا ۋدى تولىققاندى دارىلىك پرەپاراتقا اينالدىرۋعا جول اشىلماق.
www.24.kz