بۋراباي كۋرورتتىق اۋماعى نەمىس تەحنولوگياسى بويىنشا تازارتىلىپ جاتىر
بۇل تۋرالى «قازاقپارات» اگەنتتىگىنىڭ رەسمي ساۋالىنا بەرگەن جاۋابىندا ق ر ە م باسپا ءسوز قىزمەتى حابارلادى.
قازىرگى ۋاقىتتا قازاقستاندا «شۋچينسك- بۋراباي» كۋرورتتىق اۋماعى سۋ قويمالارىن (شۋچە، بۋراباي، قاراسۋ) تازارتۋ جانە وڭالتۋ» جوباسى ىسكە اسىرىلۋدا. جوبانىڭ باستى ماقساتى - «بۋراباي» مەملەكەتتىك تابيعي پاركىندەگى بۋراباي، قاراسۋ جانە شۋچە كولدەرىنىڭ ۇزاق مەرزىمدى پايدالانۋعا مۇمكىندىك بەرۋ ءۇشىن سۋ قويمالارىن تازارتۋ.
اتالعان جوبادا مەحانيكالىق، بيولوگيالىق تازارتۋ جانە وڭالتۋ (ونىڭ الدا لاستانۋىنا جول بەرمەۋ) جۇمىستارىن اتقارۋ كوزدەلگەن. بۇل شارالار كولدەردىڭ لاستانۋىنان قورعاپ، فلورا مەن فاۋنانىڭ ساقتالۋىنا جاعداي جاسايدى»، - دەلىنگەن حابارلامادا.
«شۋچە مەن بۋراباي كولدەرىن نەمىس تەحنولوگياسىمەن مەحانيكالىق تازارتۋ بويىنشا تاجىريبەلىك- ەكسپەريمەنتالدى جۇمىستار اتقارىلدى. قاراسۋ كولىندە بيىل مامىر ايىندا تازارتۋ جانە ونى باتپاقتان ارىلتۋ جۇمىستارى جالعاسىن تاپتى»، دەپ جازادى مينيسترلىك.
ايتا كەتەيىك، ق ر پرەزيدەنتى بيىل شىلدە ايىندا ب ا ق وكىلدەرىنە بەرگەن سۇحباتىندا بۋراباي دەمالىس ورنىندا تابيعاتتىڭ تازالىعىنا ۇلكەن ءمان بەرىلەتىندىگىن اتاپ وتكەن بولاتىن.
اۆتور: جاسۇلان جولدىبايەۆ 
