العاشقى ادامدار نەگە قىرىلدى؟

عالىمداردىڭ پايىمداۋىنشا، العاشقى ادامداردان كەيىنگى Homo sapiens, ياعني ەپتى ادامدار الدىڭعى اتالارىنا قاراعاندا ءومىر سۇرۋگە ءبىرشاما بەيىمدەۋ بولعانعا ۇقسايدى. ولار اۋلاعان اڭداردىڭ ەتىن عانا جەمەي، تەرىسىن كيىم رەتىندە پايدالانىپتى. كەرەك بولسا، اڭداردىڭ ءىرى سۇيەكتەرىن قارۋ ورنىنا پايدالانعان بولۋى مۇمكىن.
- شىنىندا دا، العاشقى ادامدار سياقتى ەمەس، كەيىنگىلەرى ءومىر سۇرۋگە بەيىم بولعان. ولار تەرىدەن جەڭى جوق، ءبىراق دەنەسىندەگى جىلۋدى ساقتايتىن كيىم جاساۋدى ۇيرەنگەن. ايتپەسە، نەاندەرتالدىقتار سياقتى جويىلىپ كەتۋى ابدەن مۇمكىن ەدى، - دەيدى عالىمدار.
انتروپولوگتار ەجەلگى ادامدار ءومىر سۇرگەن جەرلەردەن تابىلعان زاتتارعا قاراپ، ولاردىڭ نەمەن قورەكتەنگەنىن، قانداي زاتتار تۇتىنعانىن جورامالداۋدا. ۇڭگىرلەردەن تابىلعان كيىم قالدىقتارىنا قاراعاندا، ەرتەدەگى ادامداردى مامونت، ايۋ، بۇعى سەكىلدى اڭداردىڭ تەرىسى امان الىپ قالعان كورىنەدى.
نۇرحان سامارحان
«ەگەمەن قازاقستان»