09:59, 11 - تامىز 2016 | GMT +5
بايان ەسەنتايەۆا رەپەر اسىل مۇرانىڭ ۇسىنىسىن قابىلدادى
استانا. قازاقپارات - بايان ەسەنتايەۆا مەن رەپەر اسىل مۇرا بىرىگىپ جۇمىس ىستەيتىن بولدى. ءبىراق وسى ۋاقىتقا دەيىن پروديۋسەر بۇل جانردى تۇسىنبەيتىنىن ايتىپ، باس تارتقان بولاتىن. بۇل تۋرالى Stan.kz حابارلايدى.

بىرنەشە اي بۇرىن رەپەر اسىل مۇرا بايان ەسەنتايەۆامەن بىرگە جۇمىس ىستەگىسى كەلەتىنىن ايتىپ جۇرتتى شۋلاتقان بولاتىن. ءتىپتى، پروديۋسەرگە ارناپ ەكى مارتە بەينەبايان تۇسىرگەندى. ەسەنتايەۆا ودان باس تارتسا دا، ارتىنشا KeshYou كونتسەرتىنە شاقىردى. بۇدان كەيىن قايعىلى وقيعاعا بايلانىستى ارالارىندا بايلانىس ءۇزىلدى. دەسە دە رەپەردىڭ ءوزى ارى قاراي بىرگە جۇمىس ىستەۋگە شەشىم قابىلداعاندارىن ايتىپ جاتىر.
«قادالعان جەرىنەن قان الاتىن جىگىتتەردىڭ قاتارىنا جاتامىز. ازىرگە بىرگە جۇمىس ىستەيتىن سەكىلدىمىز. وڭ قاباق تانىتىپ، كەلىسىمىن بەردى»، - دەيدى اسىل مۇرا ريەۆيۋ باعدارلاماسىنا بەرگەن سۇحباتىندا.