الىپ قاشۋدىڭ قۇربانى بولعان قىز جانتۇرشىگەرلىك اپاتتىڭ قالاي بولعانىن ايتىپ بەردى

استانا. قازاقپارات - وسى الماتى وبلىسىندا قىز الىپ قاشىپ كەلە جاتقاندا بولعان جانتۇرشىگەرلىك جول اپاتىنان امان قالعان قىز تىلگە كەلدى. بۇگىن ءاليا وشاقبايەۆا بولعان وقيعانى تىلشىلەرىمىزگە ءوز اۋزىمەن ايتىپ بەردى.
None
None

 ايتا كەتسەك، بىرەر كۇن بۇرىن قىز الىپ قاشۋدىڭ ارتى 4 ادامنىڭ ولىمىمەن اياقتالعان ەدى. ياعني، كەلىن تۇسىرۋگە اسىققان كولىك قارسى باعىتتا جۇيتكىپ، جۇك كولىگىمەن سوعىسقان بولاتىن. ماشيناداعى قالىڭدىقتان باسقالارى سول جەردە ءتىل تارتپاي كەتتى، - دەپ جازدى ك ت ك ارناسى.

باسىندا توي بولادى دەپ، وكىنىشكە قاراي، ارتى جانازامەن اياقتالعان وقيعا الماتى- كوكپەك- كوكتال تاس جولىندا ورىن الدى. قىز الىپ قاشىپ كەلە جاتقان كولىك قارسى باعىتتا جۇيتكىپ، جۇك كولىگىنە سوقتىعىسقان. كۇيەۋ جىگىت پەن جولداستارىنىڭ ءومىرى سول جەردە قىرشىننان قيىلدى. جالعىز امان قالعان ءاليا وشاقبايەۆا اۋرۋحاناعا اۋىر حالدە جەتكىزىلگەن. باسىندا ونى جىگىتتەر كەلىسىممەن الىپ قاشقان دەگەن اقپارات تاراعان ەدى. ءبىراق ءاليا سونى تەرىسكە شىعارىپ وتىر.

«الداپ شىعارىپ الدى، كومەك سۇراپ. باسقا جاققا كەتىپ بارا جاتقاننان كەيىن سۇرادىم «قايدا بارامىز؟ » دەپ. سودان كەيىن، «الىپ قاشۋ دەگەن وسى بولادى» دەدى دە، بۇلار. بىرەۋى ۇيىنە حابارلاستى. «كونبەي كەلە جاتىر» دەدى. وندا «ۇيگە تەز جەتىڭدەر» دەدى. بۇلار جىلدامدىقتى كوبەيتتى» ، - دەيدى بويجەتكەن.

جول اپاتىنان 22 جاستاعى قىزدىڭ قول- اياعى، جامباسى مەن ومىرتقاسى سىنعان. اۋداندىق اۋرۋحانا دارىگەرلەرى ونى بۇگىن عانا جان ساقتاۋ بولىمىنەن شىعاردى.

«مۇندا جەدەل جاردەممەن جەتكىزىلگەندە ناۋقاستىڭ جاعدايى وتە اۋىر بولدى. ءبىز ءتيىستى ەم جاساپ جاتىرمىز. بويجەتكەنگە 2 رەت وتا جاسالدى. قازىر بەتى بەرى قاراپ كەلەدى» ، - دەيدى ەڭبەكشى قازاق اۋدانى ورتالىق اۋرۋحاناسى تراۆماتولوگيا ءبولىمىنىڭ مەڭگەرۋشىسى ايان شىلدەبايەۆ

وتباسىن قۇرامىن دەپ قىز الىپ قاشقان 28 جاستاعى جىگىت تە، ونىڭ جولداستارى دا كەشە جەر قوينىنا تاپسىرىلدى. قارا جامىلعاندار ءاليانىڭ جاقىندارىنان كەشىرىم سۇراپ كەلىپتى. ال سىنباعان جەرى قالماعان قىزدىڭ جاقىندارىنىڭ تەك ءبىر عانا تالابى بار.

«ول كىسىلەردەن تالاپ ەتەتىنىم: قارىنداسىم قالاي بولدى اۆارياعا تۇسپەي تۇرىپ، قالاي ءجۇردى، سونداي قالپىنا اكەلىپ بەرسىن » ، - دەيدى ءاليانىڭ اعاسى ءاليجان وشاقبايەۆ.

 قازىر سوڭى ورنى تولماس قايعىمەن اياقتالعان وقيعاعا قاتىستى سوتقا دەيىنگى تەرگەۋ ءجۇرىپ جاتىر. ارنايى ساراپتاما دا تاعايىندالعان.

ال، جانتۇرشىگەرلىك اپاتتان دەنەسىنىڭ ساۋ- تامتىعى قالماعان قىز بۇل اۋرۋحانادا دۇيسەنبىگە دەيىن بولماق. ءبىراق بۇل ءاليا وشاقبايەۆا قۇلان تازا ايىعىپ كەتتى دەگەن ءسوز ەمەس. ناۋقاسقا ءالى بىرنەشە رەت وتا جاسالۋى ءتيىس. سوندىقتان، ول ەندى قالالىق دارىگەرلەردىڭ باقىلاۋىنا اۋىستىرىلادى.

 Stan.kz 

سوڭعى جاڭالىقتار