جازيرا جاپپارقۇلدىڭ جەڭىسىنە ارناپ اقىندار جىردان شاشۋ شاشتى

بارشا الاشتىڭ ارمانىن ورىنداعان قاراكوز قارىنداسىمىزعا اقىندار دا ءتۇن ۇيقىسىن ءتورت ءبولىپ، جانكۇيەرلىك تانىتىپ قانا قويماي «سۇيىنشىلەپ جىردان شاشۋ شاشىپ ۇلگەردى.
حالىقارالىق جانە رەسپۋبليكالىق جىر ءمۇشايرالارىنىڭ بىرنەشە مارتە جەڭىمپازى، جۋرناليست ۇلاربەك نۇرعالىم ۇلى جازيراعا ارناپ ءوزىنىڭ فەيسبۋكتەگى جەكە پاراقشاسىندا اقىنداردان العاشقى بولىپ، جىردان شاشۋ شاشتى.
ول ولەڭ جولدارىن بىلاي وربىتكەن.
ءسۇيىنشى!
قۋان قازاق، شاتتان الاش،
الدىندا كۇللى جۇرتتىڭ ماقتان الاش!
دالەلدەپ باباسىنىڭ بالۋاندىعىن،
كورىندى قىزىڭ كۇمىس تاقتان الاش!
جازيرا!
تارتۋ ەتتىڭ تاڭسىق كۇندى،
سۇيەسىڭ قازاعىڭنان ارتىق كىمدى؟
الاشتىڭ ابىرويى دەپ كوتەرگەن سوڭ،
توبەڭدە قارا تەمىر قالقىپ تۇردى.
ەڭبەكپەن اتقان تاڭنىڭ، باتقان كۇننىڭ،
جەمىسىن ۇلى ءساتىڭ تاتقان بۇل كۇن.
جارىلقاپ تاستاعانى- اي، جاپپار يەڭ،
دۇعاسى شىعار بالكىم جاپپارقۇلدىڭ.
شۋلاتىپ مىناۋ بايتاق ولكەمىزدى،
جەتكىزەر التىن - ارمان ەرتەڭ ىزگى.
تۇسىرمە ەندى ەشقاشان، تومەندەتپە،
كوتەرگەن ءوز قولىڭمەن ەڭسەمىزدى.
وتسە دە ءالى قانشا جىلدىڭ ءجۇزى،
ماڭگى ەستە قازاقتىڭ بۇل كۇمىس كۇزى.
وليمپايادا بيىگىن باعىندىرعان،
امان ءجۇر، قازاعىمنىڭ تۇڭعىش قىزى.
اۆتور: كۇنسۇلتان وتارباي