اقمولا وبلىسىنىڭ اكىمى ناننىڭ قىمباتتاۋىنا جول بەرگەن اۋدان اكىمى مەن وبلىستىق ا ش ب باسشىسىن سىنادى - فوتو

ايماق باسشىسى الدىمەن جىبەك جولى اۋىلدىق وكرۋگى اۋماعىنداعى «اگروفيرما پويسك» جاۋاپكەرشىلىگى شەكتەۋلى سەرىكتەستىگىنىڭ ەگىستىك القاپتارىن ارالاپ كوردى. 40
مىڭ گەكتار جەرى بار شارۋاشىلىق بيىل 22,3 مىڭ گەكتارعا ءداندى داقىلدار سەپكەن. سونداي- اق، 17,1 مىڭ گەكتار جايىلىم، 1,1 مىڭ گەكتار شابىندىق جەرلەرى بار. وعان قوسا، 500 باس ءىرى قارا، 100-گە جۋىق جىلقى وسىرۋدە.
سەرىكتەستىك باسشىسى الەكساندر گۋسيەۆتىڭ ايتۋىنا قاراعاندا، وتكەن جىلى شارۋاشىلىق اۋا رايىنىڭ قولايسىزدىعىنا قاراماستان، گەكتارىنان 12,1 سەنتنەردەن استىق جينادى. بيىل دا سول ۇردىستەن شىعۋدى كوزدەپ وتىرعان كورىنەدى.
- بيىل استىقتىڭ شىعىمى جامان ەمەس. بارلىق اگروتەحنيكالىق شارالاردى ۋاقىتىلى جۇرگىزگەندىكتەن ەگىنىمىز جايقالىپ، بىتىك شىعىپ وتىر. الداعى كۇندەر اشىق بولسا، ءار گەكتاردان 20-25 سەنتنەردەن جوعارى ءونىم الۋعا ءۇمىت مول، - دەدى الەكساندر گۋسيەۆ.
سەرىكتەستىك جۇمىسىنا وڭ باعاسىن بەرگەن ايماق باسشىسى ودان ءارى ارشالى كەنتىندەگى №4 اگروتەحنيكالىق كوللەدجدىڭ پەداگوگيكالىق ۇجىمىمەن كەزدەستى. اتالعان ءبىلىم ورداسىندا وقۋشىلار «فەرمەرلىك شارۋاشىلىق»، «اسپاز»، «دانەكەرلەۋشى»، «قۇرىلىسشى» ءتارىزدى كاسىبي ماماندىقتار بويىنشا وقىتىلادى. 2015-2016 وقۋ جىلى مۇندا 232 وقۋشى ءبىلىم السا، ونىڭ 54- ءى ارنايى كاسىبي ماماندىقتار بويىنشا ديپلوم الىپ شىقتى.
بۇدان كەيىن ايماق باسشىسى تەمىربەتوننان جاسالىناتىن قۇرىلىس ماتەريالدارىن شىعاراتىن «قازشپال» اكسيونەرلىك قوعامىنىڭ جۇمىسىنا نازار اۋداردى.
ءوندىرىستىڭ تىنىس- تىرشىلىگى تۋرالى كاسىپورىنداعى ديرەكتورلار كەڭەسىنىڭ ءتوراعاسى اسقار نازاروۆ ايتىپ بەردى. ونىڭ سوزىنە قاراعاندا، جارتى عاسىرعا جۋىق تاريحى بار كاسىپورىندا وسى كۇنى تەمىربەتوننان جاسالىنعان وندىرىستىك شپال، قىرلى بورەنە جانە تەز تۇرعىزىلاتىن ۇيلەر ءۇشىن پانەلدەر مەن پليتالار شىعارىلادى.
- كاسىپورىن وتكەن جىلدىڭ قورىتىندىسى بويىنشا بارلىعى 1,3 ميلليارد تەڭگەنىڭ ءونىمىن شىعارسا، بيىلعى جىلدىڭ العاشقى جارتى جىلدىعىندا بۇل كورسەتكىش 785,2 ميلليون تەڭگەنى قۇرادى. شىعارىلعان ءونىم مەملەكەتتىك ستاندارتقا ساي ءارى ەلوردانىڭ ىرگەسىندە بولعاندىقتان سۇرانىس تا جوعارى، - دەپ اتاپ ءوتتى اسقار نازاروۆ.
ال، اۋدان ورتالىعىنداعى دۇكەندەردى ارالاپ كورگەن وبلىس اكىمى 1 سورتتى الەۋمەتتىك ناننىڭ 80 تەڭگەگە ساتىلىپ جاتقانىنا كوز جەتكىزدى. وسىعان جول بەرگىزگەن اۋدان اكىمى ازامات تايجانوۆ پەن وبلىستىق اۋىل شارۋاشىلىعى باسقارماسىنىڭ باسشىسى مۇرات بالپانعا تەز ارادا ناننىڭ باعاسىن قالپىنا كەلتىرۋدى تاپسىردى. ويتپەگەن جاعدايدا قاتاڭ شارا قولداناتىنىن ەسكەرتتى.
- سالماعى 550 گرام 1 سورتتى الەۋمەتتىك ناننىڭ قۇنى 55-60 تەڭگەدەن اسپاۋى ءتيىس. بۇل اكىمدىكتىڭ بەكىتكەن باعاسى. ەگەر ودان اسىپ جاتسا، بۇعان جول بەرگەندەرگە قاتاڭ شارا قولداناتىن بولامىز، - دەدى وبلىس اكىمى ءوز سوزىندە.