قازاقستان مەن قىتاي عارىش تەحنولوگيالارى سالاسىندا ىنتىماقتاسۋعا نيەتتى

تاراپتار عارىش، ۇشقىشسىز باسقارىلاتىن اپپاراتتار، قورعانىس- ونەركاسىپ كەشەنى سالاسىنداعى ەكى جاقتى ىنتىماقتاستىقتىڭ وزەكتى ماسەلەلەرىن تالقىلادى.
«قازاقستان مەن قىتاي اراسىنداعى ىنتىماقتاستىق وزگە مەملەكەتتەر ءۇشىن ۇلگى بولا الادى. ەكى ەل اراسىنداعى ءوزارا ىقپالداستىققا قازاقستان رەسپۋبليكاسى باستاماسى بويىنشا قۇرىلعان ازياداعى ءوزارا ىقپالداستىق جانە سەنىم شارالارى جونىندەگى كەڭەس (ا ءو س ش ك)، سونىمەن قاتار ق حر باستاماسى «ءبىر بەلدەۋ، ءبىر جول» ستراتەگياسىن جۇزەگە اسىرۋ جاتادى»، - دەپ اتاپ ءوتتى چجاو چۋنچاو.
ش. نۇرىشيەۆ پەن چجاو چۋنچاو عارىش قىزمەتى سالاسىنداعى ىنتىماقتاستىق بويىنشا قازاق- قىتاي جۇمىس توبىنىڭ 1- وتىرىسىندا قول جەتكىزىلگەن كەلىسىمدەردى جۇزەگە اسىرۋ ماسەلەلەرىن ءسوز ەتتى.
قىتايدىڭ مامانداندىرىلعان جوعارى وقۋ ورىندارى بازاسىندا عارىش تەحنولوگيالارى سالاسىندا قازاقستاندىق مامانداردى دايارلاۋ جانە تەحنيكالىق كادرلارمەن الماسۋ تۋرالى كەلىسىمگە قول جەتكىزدى.