16:18, 10 - تامىز 2016 | GMT +5
رەسەيدەگى قانداستار ءبىر توننا ەت ءپىسىردى
استانا. قازاقپارات - رەسەيدىڭ چەليابى وبلىسىندا «تۋعان جەر» اتتى قازاق مادەنيەتىنىڭ فەستيۆالىن ۇيىمداستىرۋشىلار ءبىر توننا ەت تاماعىن اسىپ، كەلگەن جۇرتتى رازى ەتتى.
اتا- بابامىزدىڭ كوزىندەي بولىپ كەلە جاتقان بۇل قازاقشا ەت مەرەكەگە قاتىسۋشىلار مەن قوناقتارعا مولىنان جەتتى. ودان 10 مىڭنان استام ادام ءدام تاتتى.
چەليابى قازاقتارىنىڭ العاۋىمەن وتكەن فەستيۆالدە سونداي- اق اندەر مەن ۇلتتىق كيىمدەر ۇلگىلەرىنىڭ كونكۋرسى كەرۋەن كەردى. ونىڭ قورىتىندىسىندا «2016 -جىلدىڭ ۇلگىلى اجەسى» اتاعىنا قىنىم ءىشىموۆا دەگەن زەينەتكەر كىسى يە بولدى. ال ۇزدىك كيىز ۇيلەر سايىسىندا ترويتسك قالاسىنىڭ «ارمان» قازاق ورتالىعى جەڭىسكە جەتتى. سول سياقتى ۇزدىك كيىمدەر جونىندەگى باسەكەدە برەدين اۋدانىندا تۇراتىن قازاقتار الدارىنا جان سالمادى.
مەرەكەنىڭ سوڭى ات جارىسىمەن جانە قازاق كۇرەسى تۋرنيرىمەن اياقتالدى.
