تالعات ماماشيەۆ قىتايدىڭ مەملەكەتتىك «تۇلپار» سىيلىعىن جەڭىپ العان قازاق جازۋشىسىن قابىلدادى

 وندا تالعات اسىل ۇلى قازاقستاننىڭ كوشى- قون ساياساتى مەن زاڭناماسىنداعى جاڭا وزگەرىستەر جايىن جانە دۇنيەجۇزى قازاقتارى قاۋىمداستىعىنىڭ شەتەلدەگى قازاق دياسپوراسىمەن بيىلعى جىلى بىرلەسىپ وتكىزگەن ءىس- شارالارىن بايانداپ بەردى. ال ن.  قىزىحان قىزى ءوزىنىڭ شىعارماشىلىق جۇمىستارىنىڭ بارىسى مەن الداعى ءىس- جوسپارىمەن تانىستىردى.

 جازۋشى بۇعان دەيىن «قازاقتىڭ اڭشىلىق قۇرال- سايماندارى مەن ءادىس امالدارى» دەگەن ماقالاسىمەن «تۇلپار» سىيلىعىن، «بورانداعى كوش» پوۆەسىمەن تيان- شيان ادەبيەت- كوركەمونەر سىيلىعىن، «ءلايلا» پوۆەسىمەن قازاق- قىرعىز «تۇلپار» سىيلىعىن العان بولاتىن.

 نۇريلا  قىزىحان قىزىنىڭ ايتۋىنشا، ادەبيەتتىڭ ءتۇرلى جانرلارى بويىنشا از ۇلت وكىلدەرى اراسىنداعى ادەبيەت جاسامپازدىعىنىڭ «تۇلپار» سىيلىعى 1981 -جىلدان بەرىلىپ كەلە جاتىر. باستاپقىدا ول 3  جىلدا ءبىر رەت بەرىلگەن ەدى. 2012 -جىلعى 10- بايقاۋدا وعان قازاق جازۋشىلارى اراسىنان «تۇلپاردىڭ سوڭعى تۇياعى» پوۆەست جيناعى ورازحان احمەت يە بولعان ەدى. ودان كەيىن ونى 4 -جىلدا ءبىر ۇيىمداستىرۋعا شەشىم قابىلدانىپ، بيىلعى 11- بايقاۋدا ن.  قىزىحان قىزى «اڭگىمەلەر مەن پوۆەستەر جيناعى» اتالىمى بويىنشا جەڭىمپاز اتانعان 5 قالامگەردىڭ ءبىرى بولىپ وتىر. جالپى «رومان» ، «اڭگىمەلەر مەن پوۆەستەر جيناعى» ، «شالقىما» ، «پوەزيا» ، «وچەرك» ، «اۋدارما» اتالىمدارى بويىنشا بەرىلگەن «تۇلپار» سىيلىعىن يەلەنگەن 28 ادامنىڭ ىشىندە ول جالعىز قازاق بولعان.

 ەرلىك ەرجان ۇلى