كورول ارتۋردىڭ قامالىن تاپتى
كورول ارتۋر تۋرالى اڭىزداردا وسى ايماقتاعى جەر اتاۋلارى ءجيى ايتىلاتىنىن، سونداي- اق، ارشىلىپ الىنعان جادىگەرلەردىڭ سيپاتىن ەسكەرىپ، عالىمدار بۇل قامالدى ايگىلى كورول مەكەندەگەن دەپ جورامالداپ وتىر.
- ءوز زامانىندا وتە قىمبات بۇيىمداردى تۇتىنعانىنا قاراعاندا، قامال قوجايىنى اقسۇيەك ادام بولعانى بايقالادى. قارۋ- جاراققا قۇمارلىعى، ساۋىت- سايماندارى ونىڭ اسقان باتىر ادام ەكەندىگىن بىلدىرەدى. كورول ارتۋر تۋرالى اڭىزداردا ءدال وسى جەرلەردىڭ اتاۋلارى ايتىلۋى بەكەر ەمەس دەپ ويلايمىز. ءداۋ دە بولسا، ول وسى قامالدى مەكەندەۋى مۇمكىن، - دەيدى ارحەولوگتار.
اڭىزعا سەنسەك، بريتاندىقتاردىڭ كوسەمى كورول ارتۋر جان- جاقتان انتالاعان جاۋلارىنا تويتارىس بەرىپ، ۇزاق جىلدار بويى ەلىن قورعاعان حاس باتىر بولىپتى. ونىڭ ەسكاليبۋر دەگەن اتپەن ايگىلى قىلىشىن تاستان سۋىرىپ الىپ جاتقان ءمۇسىنى ءدال وسى كورنۋولل گرافتىعىندا ورنالاسقان.
كورول ارتۋر الەمدىك ادەبيەتتەگى، كينوداعى، بەينەلەۋ، ءمۇسىن ونەرىندەگى ەڭ ايگىلى كەيىپكەرلەردىڭ ءبىرى بولىپ سانالادى. زاماناۋي كومپيۋتەرلىك ويىنداردا دا ونىڭ وبرازى ۇلكەن قىزىعۋشىلىققا يە.
نۇرتورە سامارقان
