قۇنانباي فيلمى قازان حالىقارالىق مۇسىلمان كينوسى فەستيۆالىنە قاتىسادى

كارتينا رەجيسسەرى قازاقستاننىڭ حالىق ءارتىسى، ق ر مەملەكەتتىك سىيلىعىنىڭ لاۋرەاتى دوسحان جولجاقسىنوۆ.
«قۇنانباي» فيلمىندە 1804 -جىلى سەمەي وبلىسى، شىڭعىستاۋ اۋىلىندا تۋعان قۇنانباي وسكەنباي ۇلىنىڭ تاعدىرى باياندالادى. ول قارا قىلدى قاق جارعان ءادىل ءبي بولعان، ونىڭ ۇلى اباي ءوز شىعارمالارىمەن قازاقستاندى جانە قازاق حالقىن الەمگە تانىتتى.
ХІІ قازان حالىقارالىق مۇسىلمان كينوسى فەستيۆالىنە قاتىسۋ ءۇشىن 50 ەلدىڭ رەجيسسەرلەرى مەن پروديۋسەرلەرىنەن 700 دەن استام ءوتىنىم كەلىپ تۇسكەن، ال كونكۋرستىق باعدارلاماعا الەمنىڭ 33 ەلىنەن ويىن، دوكۋمەنتالدى جانە انيماتسيالىق 60 فيلم ىرىكتەلدى.
قازاقستاندىق كارتينامەن قاتار، سايىسقا رەسەي، يران، قىتاي، سەربيا، اراب امىرلىكتەرى، قىرعىزستان، بانگلادەش، مالايزيا ەلدەرىنىڭ كارتينالارى قاتىسادى.
كونكۋرستىق باعدارلامادان بولەك، كورەرمەندەردى كونكۋرستان تىس باعدارلامالار كۇتەدى. فەستيۆال اياسىندا كينو قايراتكەرلەرىمەن شەبەرلىك ساعاتتارى، فەستيۆال قاتىسۋشىلارىمەن شىعارماشىلىق كەزدەسۋ، كينو ونەرىنىڭ وزەكتى ماسەلەلەرىنە ارنالعان دوڭگەلەك ۇستەلدەر، باسپا ءسوز كونفەرەنتسيالارى وتەدى.
كونكۋرستىق باعدارلامادا قازىلىق ەتەتىندەر: رەجيسسەر، سەناريست، پروديۋسەر سىددىق بارماك (اۋعانستان/فرانسيا) ، رەجيسسەر، كينووپەراتور وسمان ساپاروۆ (تۇركمەنستان)، رەجيسسەر، سەناريست يۋسۋپ رازىكوۆ (وزبەكستان/رەسەي) جانە كينووپەراتور ۆالەري سيەۆاستيانوۆ (تاتارستان). ХІІ قازان حالىقارالىق مۇسىلمان كينوسى فەستيۆالىندەگى ءادىل قازى القاسىنىڭ ءتوراعاسى - تانىمال كينورەجيسسەر، رەسەي حالىق ءارتىسى، ك س ر و مەملەكەتتىك سىيلىعىنىڭ لاۋرەاتى الەكساندر پروشكين.