دجيم كەرري «ەگىزىن» رەسەيدەن تاپتى - فوتو
بولجام بويىنشا، تانىمال اكتەردىڭ جاس كەزىنە قاتتى ۇقسايتىن ەر ازامات رەسەيدە تۇرۋى مۇمكىن.
ازىرگە بەيتانىس جىگىتتىڭ كىم ەكەندىگى انىقتالعان جوق. اتالمىش فوتو العاشىندا رەسەيدەن قىزىقتى سۋرەتتەر جاريالايتىن English Russia ميكروبلوگىندا تانىمال بولعان ەكەن.
7 تامىز كۇنى كەرريگە ۇقسايتىن جىگىتتىڭ سۋرەتى Reddit تە جاريالاندى. ءتىپتى، ەڭ ۇزدىك جاريالانىمدار قاتارىنان تابىلىپ، باستى بەتكە شىقتى. الايدا پىكىر قالدىرۋشىلار دا فوتوداعى جىگىتتىڭ كىم ەكەندىگىن جانە سۋرەتتىڭ قايدا تۇسىرىلگەنىن ناقتى ايتا الماعان.
TMZ تابلويدىنىڭ جۋرناليسى دجيم كەرريدى لوس- اندجەلەس اۋەجايىنان كۇتىپ الىپ، «ورىس ەگىزى» جايىندا بىرنەشە سۇراق قويدى. كەرري «ەگىزىنىڭ» فوتوسىن كورگەنىن راستادى. «جاقسى جىگىت. مۇمكىندىك بولسا، وعان قوناققا بارار ەدىم»، - دەدى تانىمال اكتەر سۇحبات بارىسىندا. ورىسشا ءتىل قاتۋىن وتىنگەن جۋرناليستىڭ ءوتىنىشىن كەرري ورىنداي المادى. ايتۋىنشا، ورىس تىلىندە سويلەۋ تاجىريبەسى ازداۋ ەكەن.
2016 -جىلدىڭ قاڭتارىندا ب ا ق وكىلدەرى لەوناردو دي كاپريونىڭ «ەگىزىن» تاپقان بولاتىن. ونىڭ دا سۋرەتى الەۋمەتتىك جەلىلەردە كەڭىنەن تارالدى. اقىرىندا ونىڭ پودولسكىلىك ت م ج قىزمەتكەرى رومان بۋرتسيەۆ ەكەنى بەلگىلى بولدى. شىلدە ايىندا بۋرسيەۆ «پيات وزەر» اراعىنىڭ جارناماسىنا ءتۇسىپ، جۇلدىز اتانعان. ءدال وسى جارنامادا بۋرسيەۆ دي كاپريونى سومداعان بولاتىن.
