12:34, 10 - تامىز 2016 | GMT +5
ەفيوپيالىق جۇزگىش ريودا مازاق بولدى
استانا. قازاقپارات - ريو وليمپياداسىنا ەفيوپيا دەگەن ەلدەن كەلگەن جۇزگىشتىڭ مىنا سۋرەتتەرى بۇكىل الەمگە تاراپ كەتتى.

ىرىكتەۋ سىنىنان وتە الماعانىنا سپورتشىنىڭ ءوزى دە، وزگەلەر دە وكىنبەيدى. ول وليمپياداعا ءجاي، انشەيىن كەلە سالعان سياقتى. ەل كوردى، جەر كوردى...
وليمپياداعا تۇڭعىش رەت قاتىسقان ەفيوپيالىق روبەل كيروس حابتە ەركىن ادىسپەن ءجۇزۋ سايىسىنداعى العاشقى ىرىكتەۋ جارىسىندا مارەگە ءبىرىنشى جەتكەن دومينيكان ەلىنىڭ وكىلىنەن باقانداي 15 سەكۋندقا قالىپ قويدى. قاشىقتىقتى ءجۇزىپ وتكەن قارسىلاستارى دا، جانكۇيەرلەر مەن ۇيىمداستىرۋشىلار دا قورىتىندى ناتيجەلەردى ءبىلۋ ءۇشىن وسى جىگىت مارەگە ءجۇزىپ جەتكەنشە ءبىراز كۇتىپ قالدى.