بوكستان قازاقستان قۇراماسىنىڭ باس باپكەرى: ءبىزدىڭ سپورتشىلارعا ريونىڭ اۋا رايى جاعىپ تۇر

ريو- دە- جانەيرو. قازاقپارات - ءبىزدىڭ سپورتشىلارعا ريونىڭ اۋا رايى وتە ىڭعايلى بولىپ تۇر. بۇل تۋرالى بۇگىن ريوداعى قازاقپارات تىلشىسىنە بوكستان قازاقستان ۇلتتىق قۇراماسىنىڭ باس باپكەرى مىرزاعالي ايتجانوۆ ءمالىم ەتتى.
None
None

«ءبىز بۇگىن ەرتەڭگى جارىسقا دايىندىعىمىزدى پىسىقتاپ جاتىرمىز. اللا قالاسا، كەلەسى كۇنى دە جاقسى كوڭىل- كۇيمەن جارىسقا شىعاتىن بولامىز. اۋا رايى دا ءبىز كەلگەلى وتە تاماشا بولىپ تۇر. ءبىز سوڭعى جاتتىعۋىمىزدى استانادا وتكىزدىك. قازىرگى ريونىڭ اۋا رايى تۋرا استانانىكىمەن بىردەي. بۇل بوكسشىلارىمىزعا عانا ەمەس، بارلىق قازاقستاندىق سپورتشىلارعا جاقسى كوڭىل- كۇي سىيلاپ جاتىر. ەگەر مي قايناعان ىستىق بولعاندا، سپورتشىلارىمىزدىڭ جاتتىعۋىنا قالايدا كەرى اسەرى بولارى ءسوزسىز ەدى»، - دەپ اتاپ ءوتتى باس باپكەر.

ەستەرىڭىزگە سالا كەتەيىك، بۇگىن قازاقستان قورجىنىنا ءۇشىنشى قولا مەدال ءتۇستى. ونى 63 كەلىدەگى اۋىر اتلەت قىزىمىز كارينا گوريچەۆا ولجالادى.

ال كەشە ەرلەر اراسىندا سىنعا تۇسكەن تاعى ءبىر اۋىر اتلەتىمىز فارحاد حاركي ەكىنشى قولا مەدالدى جەڭىپ العانى ەسىمىزدە.

سونداي- اق، وليمپيادانىڭ ءبىرىنشى كۇنى دزيۋدوشىلارىمىز ەلدوس سمەتوۆ كۇمىس، گالبادراح وتگونسەسەگ قولا مەدالداردى جەڭىپ العان بولاتىن.

اۆتور: كۇنسۇلتان وتارباي

سوڭعى جاڭالىقتار