گەرمانيادا «يسلام مەملەكەتى» سودىرلارى سەركەلەرىنىڭ ءبىرى ۇستالدى

استانا. قازاقپارات - نەمىس پوليتسەيلەرى «يسلام مەملەكەتى» لاڭكەستىك توبى سەركەلەرىنىڭ ءبىرىن ۇستادى.

بۇل تۋرالى Lenta.ru Bild سايتىنا سىلتەمە جاساپ حابارلادى.

رەينلاند- پفالتس فەدەرالدىق جەرى وكىمەت ورىندارىنىڭ ايتۋىنشا، ۇستالعان ادام گەرمانيا اۋماعىندا سودىرلاردىڭ مۇددەسىنە قىزمەت ەتكەن. قىلمىسكەردى جول پوليتسياسى قۇجاتتارىن تەكسەرگەن كەزدە ۇستاپ الدى - ارنايى بولىمدەر باسشىلىعى سولتۇستىك رەين- ۆەستفاليا فەدەرالدىق جەرى اۋماعىنداعى تۇرمەلەردىڭ بىرىنەن سوتتالعان ىزدەۋدەگى لاڭكەس جۇرگەنى تۋرالى اقپارات العان.

تەرگەۋشىلەر راديكالدى يسلامشىلار فۋتبولدان نەمىس چەمپيوناتى باستالۋىنا شابۋىلدار جوسپارلاۋى ىقتيمال ەكەنىن ايتادى. بۋندەسليگا ماتچى 26 -تامىزدا باستالماق.

شىلدە ايىندا جيھادشىلار گەرمانياعا بىرنەشە رەت شابۋىل جاسادى - 19 -شىلدەدە لاڭكەس باۆاريادا پويىز جولاۋشىسىنا پىشاقپەن شابۋىل جاسادى، ال التى كۇن وتكەن سوڭ قاشقىن انسباح قالاسىندا بومبانى جارىپ جىبەردى.