17:23, 09 - تامىز 2016 | GMT +5
گوللانديالىق گيمناسشى ماس بولعانى ءۇشىن وليمپيادالىق قۇرامادان شىعارىلدى
استانا. قازاقپارات - گوللانديانىڭ سپورتتىق گيمناستيكادان قۇراما مۇشەسى يۋري ۆان گەلدەردى ريو- دە- جانەيرودا وليمپياداعا قاتىسىپ جاتقان ۇلتتىق كوماندادان شىعارىپ تاستادى.

بۇل تۋرالى NBC حابارلادى.
6 -تامىزدا سپورتشى شىعىرشىقتا جاتتىعۋ كەزىندە ىرىكتەۋدى ءساتتى ەڭسەرىپ، 15 -تامىزداعى فينالدىق باسەكەگە قاتىسۋى ءتيىس بولاتىن. الايدا، 7 -تامىز، سەنبى كەشكە ول وليپيادالىق قالاشىقتان كەتىپ، كەلەسى كۇنى تاڭەرتەڭ ماس كۇيىندە ورالعان. گوللانديالىق قۇراما باسشىلىعى 33 جاستاعى گيمناسشىنى جارىستان شەتتەتۋ شەشىمىن قابىلدادى. ونىڭ ورنىنا فينالعا فرانسۋز دەنني رودريگەس شىعادى.
2009 -جىلعى ماۋسىمدا ۆان گەلدەر ونىڭ دوپينگ- سىناماسىنان كوكاين تابىلعاننان كەيىن ءبىر جىلعا جارىستان شەتتەتىلگەن ەدى.