الماتى وبلىسىنداعى الاكولدە دەمالىس جاعدايى جاقسارىپ كەلەدى

بۇل وتكەن جىلعى جارتىجىلدىقتىڭ %115,9 قۇرايدى.
وبلىستاعى حالىق كوپ جينالاتىن دەمالىس ايماعى ارينە، الاكول بولعاندىقتان، دەمالۋ ءۇشىن قاجەتتى جاعداي جاساۋ، زاماناۋي ينفراقۇرىلىم قۇرۋ جۇمىستارىنىڭ باسىم بولىگى الاكولگە باعىتتالىپ وتىر.
بيىل جەرگىلىكتى بيۋدجەت ەسەبىنەن 21 ميلليون تەڭگەگە قارجىلاندىرىلعان اقشي اۋىلىنان دەمالىس ايماعىنا دەيىنگى اۆتوجولدىڭ جوبالىق- سمەتالدىق قۇجاتتاماسى جاسالىپ، قۇرىلىسى باستالىپ كەتتى. قازىر اقشي اۋىلىنان الاكول جاعاسىندا ورنالاسقان دەمالىس ايماعىنا دەيىنگى جولدى قايتا سالۋ بويىنشا سالۋ- مونتاجداۋ جۇمىستارى جۇرگىزىلىپ جاتىر. اۆتوجولدىڭ جالپى ۇزىندىعى 23,78 شاقىرىم. جوبانى جۇزەگە اسىرۋدىڭ قۇنى - 3,036 ميلليارد تەڭگە، جۇزەگە اسىرۋ مەرزىمى - 2015-2017 -جىلدار.
سونىمەن بىرگە، الاكول جاعاسىندا دەمالۋشىلار قاتارىنىڭ جىلدان- جىلعا ارتۋىن ەسكەرە وتىرىپ، بيىل «جەتىگەن- دوستىق- جەتىگەن» ماۋسىمدىق تەمىر جول قاتىناسىنا جەرگىلىكتى بيۋدجەتتەن 65,6 ميلليون تەڭگە قاراجات ءبولىندى.
الماتى وبلىسىنىڭ باسپا ءسوز قىزمەتى حابارلاعانداي، الاكول اۋدانىنىڭ باسشىلىعى الاكول كولىنىڭ جاعاسىن سانيتارلىق تازالاۋ جۇمىستارىن تۇراقتى تۇردە جۇرگىزىپ كەلەدى. وسى ماقساتتا ىرعايتى اۋىلدىق وكرۋگىندە 10 ادام، 6 ارنايى تەحنيكا جۇمىس ىستەيتىن «ءۇشارال - كوركەيتۋ» ج ش س فيليالى قۇرىلعان. الاكول كولىنىڭ جاعاسىندا، اقشي جانە كوكتۋما ەلدى مەكەندەرىنىڭ اراسىندا ارنايى كونتەينەرلەر قويىلعان جانە جاعاعا اۆتوكولىك قۇرالدارىن وتكىزبەيتىن قورعانىس ترانشەياسى قازىلعان. سونىمەن قاتار، جىل سايىن «جاسىل ەل» باعدارلاماسى بويىنشا ەرىكتىلەر كەلىپ، الاكول جاعاسىن جاقسارتۋ ماقساتىندا جەرگىلىكتى حالىق اراسىندا اكتسيالار ءوتىپ تۇرادى.