مۇگەدەك بالالاردىڭ اتا- انالارى ۇيدەن شىقپاي-اق پسيحولوگتىڭ بىلىكتى كومەگىن الا الادى
ونلاين قولداۋ كورسەتۋ قىزمەتىنىڭ نەگىزگى ماقساتى - مۇگەدەك بالاسى بار وتباسىنا كونسۋلتاتيۆتىك كومەك كورسەتۋ. ياعني، مۇمكىندىگى شەكتەۋلى ازاماتتاردىڭ دۇرىس پسيحولوگيالىق دەنساۋلىعىن قۇرۋعا جاعداي جاساۋ، وتباسىنداعى جاعىمدى الەۋمەتتىك- پسيحولوگيالىق ورتانىڭ قالىپتاسۋىنا، سونىمەن قاتار، مۇگەدەك بالالاردى تاربيەلەپ وتىرعان ازاماتتارعا پسيحولوگيالىق كومەك بەرۋگە جاردەمدەسۋ بولىپ تابىلادى.
قىزمەتتىڭ جۇمىسى بىلىكتى پسيحولوگتاردىڭ قاتىسۋىمەن «SKYPE» باعدارلاماسى ارقىلى جۇزەگە اسىرىلادى. بۇل اتا- انالاردىڭ ۇيدەن شىقپاي- اق كاسىبي كەڭەس الۋىنا مۇمكىندىك بەرەدى.
انىقتاما ءۇشىن:
2015 -جىلدىڭ ماۋسىم ايىنان باستاپ، قر دەنساۋلىق ساقتاۋ جانە الەۋمەتتىك دامۋ مينيسترلىگى مۇگەدەك بالالاردى تاربيەلەپ وتىرعان اتا- انالاردى قولداۋ بويىنشا جوبانى جۇزەگە اسىرىپ كەلەدى. مامانداردىڭ كەڭەسىنە وتىنىمدەر تاۋلىك بويى 1411 تەگىن ءنومىرى بويىنشا قابىلدانادى.
