ءا. قاشاۋبايەۆتىڭ ءومىر جولىنا ارنالعان جاڭا كوركەم فيلمدى ءتۇسىرۋدى قولعا الدى

استانا. قازاقپارات -  «قازاقفيلم» كينوستۋدياسى 1925 -جىلى پاريج اسپانىن انگە بولەپ، كۇللى الەمدى تامساندىرعان امىرە قاشاۋبايەۆتىڭ ءومىر جولىنا ارنالعان جاڭا كوركەم فيلمدى ءتۇسىرۋدى قولعا الدى.
None
None

بۇل تۋرالى ش. ايمانوۆ اتىنداعى «قازاق فيلم» ا ق باسپا ءسوز قىزمەتى حابارلادى 2017 - جىلى حالىقارالىق پروكاتقا شىعارۋعا جوسپارلانعان «امىرە» كينوجوباسى كوپرودۋكسيا نەگىزىندە، ياعني قازاقستان مەن ا ق ش- تىڭ بىرلەسە وتىرىپ شىعاراتىن العاشقى جوباسى بولماق.

كينوتۋىندى قازاقتىڭ تۇڭعىش درامالىق تەنور داۋىستى ءبىرتۋار ءانشىسى امىرە قاشاۋبايەۆتىڭ قامشىنىڭ سابىنداي عانا قىسقا دا، جارقىن عۇمىرىن باياندايدى. 1925 - جىلى پاريجدە وتكەن بۇكىل الەمدىك مۋزىكالىق بايقاۋدا ەۋروپا كورەرمەندەرىنە قازاقتىڭ ءداستۇرلى انشىلىك ونەرى مەن قارا دومبىراسىن پاش ەتكەن 36 جاستاعى امىرە قاشاۋبايەۆ ك س ر و دەلەگاتسياسىنىڭ اراسىنان توپ جارىپ، ەكىنشى ورىندى جانە كۇمىس مەدال يەلەندى.

 فيلم دارىندى ءانشىنىڭ مۇستافا شوقايمەن كەزدەسۋى، دجاز ورىنداۋشىسى دجوردج گەرشۆينمەن تانىسۋى جانە تۋعان جەرىنە ورالعاندا باستى كەيىپكەردىڭ باستان كەشكەن سىناقتارى تۋرالى سىر شەرتەدى. فيلمدە امىرە قاشاۋبايەۆتىڭ رەپەرتۋارىنداعى «بالقاديشا»، «سۇرجەكەي»، «ءۇش دوس»، «دۋداراي»، «جالعىز ارشا»، «بەس قاراگەر»، «اعاش اياق» جانە «ءاي- ءاي بوپەم» اندەرى ورىندالادى. شىلدە ايىنىڭ سوڭىندا لاتۆيانىڭ ريگا قالاسىندا باستالعان ءتۇسىرۋ جۇمىستارى قىركۇيەك ايىندا الماتى قالاسىندا جالعاسادى.

حالىقارالىق ءتۇسىرىلىم توبىنىڭ قۇرامىندا:

 امەريكالىق قويۋشى- رەجيسسەر دجەف ۆەسپا، وپەراتور -  ماكسيم وسادچيي («9 روتا»، «ستالينگراد» ) بار. فيلمنىڭ سسەناريىن جازعان -  بەنجامين ا. ۆان دەر ۆين. باستى رولدەردى وتاندىق اكتەرلەر سانجار مادييەۆ (امىرە) جانە ماسكەۋ كينوفەستيۆالىندە «ۇزدىك ەر ادام ءرولى» نوميناتسياسىندا جەڭىسكە جەتكەن ەركەبۇلان دايىروۆ (مۇستافا شوقاي) سومدايدى.

 سونىمەن قاتار بريتاندىق اكتەر بەن الدريدج (Ben Aldridge) جانە «وبلاست تمى» فيلمى ارقىلى تانىلعان امەريكالىق اكتريسا ەببي كورنيش سىندى باسقا دا اكتەرلەر قاتىسادى. فيلمنىڭ اتقارۋشى پروديۋسەرلەرى -  اسەت كەنجەبايەۆ جانە اننا چاكيرتوۆا. تاريحي كەڭەسشى -  امىرە قاشاۋبايەۆ تۋرالى بىرنەشە ەڭبەكتەردىڭ اۆتورى -  قازاقستان رەسپۋبليكاسىنىڭ ەڭبەك سىڭىرگەن قايراتكەرى جارقىن شاكارىموۆ.

مۋزىكالىق پروديۋسەرى -  The Magic of Nomads جوباسىنىڭ اۆتورى ءارى جەتەكشىسى عازيزا عابدراحيموۆا. قويۋشى سۋرەتشى -  ەكاتەرينا زالەتايەۆا، كوستيۋم بويىنشا سۋرەتشىلەر -  اسەل شالابايەۆا جانە دايۆا پەترۋليتە.

www.24.kz

سوڭعى جاڭالىقتار