قۇتقارۋشىلاردى الداعان ءۇش جىگىت جايىققا باتىپ كەتە جازدادى

استانا. قازاقپارات - شومىلۋ ماۋسىمىندا سۋعا كەتۋ وقيعاسىنىڭ الدىن الۋ ءۇشىن جايىق وزەنىنە جۇرگىزىلگەن كەزەكتى رەيد ۋاقىتىندا «قازبوت-40 ل س» كاتەرىندەگى باتىس ايماقتىق ايروموبيلدى جەدەل- قۇتقارۋ جاساعىنىڭ قۇتقارۋشىلارى «رەنكو» قوناق ءۇيى ماڭىنان ءۇش جىگىتتى بايقاعان.
None
None

قۇتقارۋشىلاردىڭ سۇراعىنا جىگىتتەر دەمالۋعا كەلگەندەرىن، قايتىپ بارا جاتقاندارىن ايتقان.

 الايدا، كاتەردەگى قۇتقارۋشىلار «اتىراۋ دەنە شىنىقتىرۋ- ساۋىقتىرۋ كەشەنى» ماڭىنداعى قالالىق جاعاجايعا بەت العاندا، جىگىتتەر وزەندى ءجۇزىپ وتۋگە تىرىسقان.

 وزەن ورتاسىنا جەتكەن ولار باياۋ ءجۇزىپ، ءتىپتى كورىنبەۋگە اينالعان. قۇتقارۋشىلار جاستاردىڭ قيىندىققا تاپ بولعانىن بايقاپ، سۋدان شىعارىپ الدى.

قۇتقارىلعان جىگىتتەر جاعاعا جەتكىزىلدى. سۇراقتىڭ استىنا تۇسكەن ولار وزەندى ءجۇزىپ وتكەنىن مويىندادى. وزەننىڭ ارعى جاعاسىنا جەتىپ، ازداپ دەمالىپ كەرى قايتۋدى ويلاعان. ءبىراق، وزەن ورتاسىنا جەتكەندە اياق- قولدارى تالىپ، جاعاعا جەتۋگە كۇشى قالماعان. اتىراۋ وبلىسىنىڭ ت ج دەپارتامەنتى حابارلاعانداي، كۇشىنە سەنگەن جىگىتتەر قايعىلى وقيعا قۇربانىنا اينالا جازدادى. قۇتقارۋشىلاردىڭ كومەگىمەن ولار ءتىرى قالدى.

سوڭعى جاڭالىقتار