ءتىل بىلمەگەن قىتايلىق تۋريست گەرمانيادا بوسقىنعا اينالعان

استانا. قازاقپارات - گەرمانيانىڭ دورتمۋند قالاسىنداعى ميگرانتتار ورتالىعىندا قىتايلىق تۋريست ەكى اپتا ءومىر سۇرگەن. ول پوليتسياعا ءاميانىنىڭ ۇرلانعانىن حابارلاعاسى كەلگەن، الايدا ءتىل بىلمەگەن تۋريست ميگراتسيالىق قىزمەتكە اداسىپ بارىپ، «بوسقىن» دەپ تىركەلىپ كەتكەن،
None
None

دەپ حابارلادى bbc اگەنتتىگى.

 نە اعىلشىن، نە نەمىس ءتىلىن بىلمەيتىن 31 جاستاعى قىتاي ازاماتى قاجەتتى ساۋالنامانى تولتىرىپ، مەديتسينالىق تەكسەرۋدەن ءوتىپ، ساۋساق تاڭباسىن وتكىزگەن. سودان كەيىن ونىڭ شەنگەن ۆيزاسى بار پاسپورتىن الىپ، ميگرانتتاردىڭ ۋاقىتشا باسپاناسىنا ورنالاستىرعان.

 بولعان جاعدايعا ەر ادام ەش قارسىلىق كورسەتپەگەن. ورتالىق وعان كۇن سايىن تاماق جانە جۇمسايتىن اقشا بەرىپ تۇرعان.

 ماسەلەنىڭ ءمان- جايىن انىقتاۋعا سەبەپشى بولعان جەرگىلىكتى قىزىل كرەست ءبولىمىنىڭ قىزمەتكەرى شەتەلدىكتىڭ بوسقىنعا ۇقسامايتىنىن ايتقان. ورتالىق قىتاي ءتىلىنىڭ اۋدارماشىسىن شاقىرىپ، «بوسقىننىڭ» كىم ەكەنىن سۇراعان. سۇحباتتان كەيىن ونىڭ ەۋروپانى ءوز بەتىمەن ارالاپ جۇرگەن تۋريست ەكەنى، گەرمانيادان كەيىن فرانسيا مەن يتالياعا بارۋدى جوسپارلاعانى بەلگىلى بولدى. ءتىل بىلمەۋدىڭ كەسىرىنەن وسىنداي كۇيگە تۇسكەنىن ايتقان.

«بوسقىننىڭ» باسپانا الۋعا بەرگەن ءوتىنىشى كۇشىن جويىپ، ءارى قاراي ساپارىن جالعاستىرۋعا رۇقسات ەتىلدى. WDR نەمىس تەلەارناسى «تۋريستىڭ» ەشقانداي رەنىش بىلدىرمەگەنىن، تەك ەۋروپانى باسقاشا ەلەستەتكەنىن ايتتى دەپ حابارلادى.

سوڭعى جاڭالىقتار