دانيار ەلەۋسىنوۆ كىممەن جۇدىرىقتاساتىنى بەلگىلى بولدى

ريو- دە- جانەيرو. قازاقپارات - بۇگىن بوكستان 69 كەلىدە ونەر كورسەتەتىن كوماندا كاپيتانى، التىن مەدالدان باستى ۇمىتكەر سپورتشىمىز دانيار ەلەۋسىنوۆتىڭ قارسىلاسى انىقتالدى.
None
None

بۇل تۋرالى ريودا جۇرگەن قازاقپارات ءتىلشىسى حابارلادى.

 ەستەرىڭىزدە بولسا، دانيار ەلەۋسىنوۆ العاشقى اينالىمنان بوساتىلعان بولاتىن. سول سەبەپتى جەرلەسىمىز جەكپە- جەكتى بىردەن 1/8 فينالدان باستايدى. ونىڭ قارسىلاسى  ۇلى بريتانيا بوكسشىسى دجوش كەللي بولماق. ول ءبىرىنشى اينالىمدا ەگيپەتتىك ۆاليد موحامەدتى ۇتتى. ەندى قازاق بوكسشىسىمەن باعىن سىناپ كورەدى. ەلەۋسىنوۆ پەن كەللي 11 - تامىزدا شارشى الاڭعا شىعادى.

ايتا كەتەيىك، بۇگىن بوكستان ءۇش بىردەي سپورتشىمىز شارشى الاڭعا كوتەرىلىپ، ۇشەۋى دە قارسىلاستارىن ايقىن باسىمدىلىقپەن جەڭدى.

ولار - 49 كەلىدە ءبىرجان جاقىپوۆ، 75 كەلىدە جانىبەك ءالىمحان ۇلى، 91 كەلىدە ونەر كورسەتكەن ۆاسيلي ليەۆيت.

ەستەرىڭىزگە سالا كەتەيىك، بيىل قازاق بوكسشىلارى وليمپيادا ويىندارىنا تۇڭعىش رەت تولىق قۇرامدا قاتىسىپ جاتىر. وكىنىشكە قاراي ريو وليمپياداسىنىڭ العاشقى كۇنى بەرىك ءابدىراحمانوۆ ا ق ش بوكسشىسىنان ۇتىلىپ قالعان بولاتىن.

اۆتور: كۇنسۇلتان وتارباي

سوڭعى جاڭالىقتار